حضرتك محتاجه حاجه

أيدي وصلنا لأخر الصيدلية كانت هي بدأ التعب يزيد عليها بشكل خلاني مش قادر أشيل عيوني عنها رغم كلام بابا ألا إني كنت مركز معاها لسه بابا هيتكلم شفتها وهي بتقع على الكرسي قطعت بابا بسرعة وأنا بجري عليها. 
هي اسمها أي 
_جهاد حصلها أي 
_ماتت دي ولا أي 
قالها عمار وهو بيبص علينا بقلق بصيتله بغض ب وأنا شايف قلق وخو ف بابا عليها أتكلمت وأنا بزعق فيه. 
بلاش كلام فارغ وثواني نشوف مالها. 
_هات مية يابني بسرعة. 
_حاضر ثواني. 
جاب مية ورش على وشها شوية كنت أنا ماسك أيدها بشوف نبضها وبابا بيمسح على وشها براحة بدأت تفتح عيونها بأرهاق بصيت لبابا بسرعة لقيته فرح معرفش هي مين بس بابا بېخاف عليها أوي سألتها بهدوء. 
أنت كويسة 
_الشنطة!
هات ياعمار الشنطة دي. 
كانت بتشاور على شنتطها بتعب أداها عمار الشنطة ففتحتها وخرجت منها دواء خدت منه حباية أنا بصيت لبابا بتعجب وخدت من أيدها العلبة بصيت عليها وقبل ما أتكلم أتكلم عمار بنبرة فيها شوية حزن. 
_دواء قلب 
أتكلم بابا بقلق وهو بيبصلي. 
_يعني أي يا مراد 
أنت مريضة قلب 
وجهت سؤالي ليها بعد ما بقيت كويسة إلى حد ما هزت رأسها بهدوء وهي بتبص على بابا أتكلمت بسرعة وهي بتطمنه. 
_أنا بخير ياعمو متقلقش. 
_من أمتى ياجهاد 
_هحكيلك كل حاجة بس مش دلوقتي. 
قالت كلامها وهي بتبص علينا فهم بابا قصدها وأنا وعمار كمان فهمنا أتنحنح عمار وأتكلم وهو بيرجع مكانه. 
_طيب أنا هشوف شغلي تقدر تروح يا مراد. 
هزيتله رأسي من غير ما أتكلم بابا ساعدها وسندها بأيد وهو خارج من الصيدلية شلت شنطتها وأنا مستغرب أزاي بابا متساهل في لمسها بالطريقة دي فتحت العربية وحطيت الشنطة أنتظرته يساعدها تقعد ورا وكنت فاكره هيطلع يقعد معايا قدام
لكنه قعد جمبها كنت حاسس أن جزء من دماغي هيقف وأنا مش فاهم مين دي. 
_تعالي يابنتي متفضليش واقفه كدا أنت تعبانه. 
كانت واقفه قصاد باب البيت متردده تدخل لكن بابا سحبها من أيدها وډخلها قعدها على كنبه وقعد جمبها وهو مازال ماسك كف أيدها أتعصبت وأتكلمت بصوت عالي ونرفزة. 
أنا عايز أفهم مين دي 
_أنت بتعلي صوتك عليا ياولد 
يا بابا مش قصدي بس أنا مش فاهم حاجة حضرتك مش شايف أنك لإزم تفهمني 
_قومي ياجهاد أدخلي الأوضة دي وأرتاحي والصبح نتكلم. 
تجاهلني تماما وهو بيسندها وبيوصلها أوضة ثواني دي أوضتي أتكلمت بسرعة. 
بابا دي أوضتي 
_أخرس يا مراد شوية. 
حاضر. 
قلتها وأنا بحاول استوعب أسلوب بابا وأسلوبي أنا شخصيا كأني طفل خاېف حد يشاركه أوضته أتنهدت ودخلت أوضة بابا مرهق مش قادر أفتح عيوني فردت جسمي ومحسيتش بنفسي غير وبابا بيصحيني تاني يوم. 
_يلا يا مراد علشان تفطر. 
فتحت عيوني بصعوبة وأنا بقاوم نور الشمس اللي داهمني فجأة قومت وأنا بتاوب خرجت برا الأوضة أتكلمت وأنا بفرك في عيني ومش واخد بالي من عيونها اللي بتراقبني. 
فطار أي يابابا الساعة كام 
_الساعة عشرة يامراد أغسل وشك وتعالى علشان نفطر كلنا سوا. 
مين كلنا 
قلتها بتعجب وقبل ما بابا يرد كانت عيني قابلت عينها أبتسمت بحرج وأنا بفتكر كل اللي حصل أمبارح سبتهم ودخلت الحمام بسرعة بصيت على نفسي في المرآية وأتكلمت. 
هي شافتني كدا! ياربي على البرستيج اللي ضاع. 
كان شعري أتنكش ونزل على وشي وملامحي كلها باين عليها النوم وهدومي اللي كنت بيها في الصيدلية نايم بيها وكلها أتكرمشت. 
_مالك ياجهاد 
كنت قاعدة وبقلب في الأكل وسرحانة في كل اللي عدى قطع سرحاني صوت عمو عبدالله كان أبنه لسه داخل وقاعد معانا على السفرة رفعت عيوني فجات في عيونه وهو قاعد قصادي حركتها بسرعة لبباه ورديت عليه. 
_أنا هعمل أي بعد ما هربت منهم 
هربتي من مين 
قالها مراد وهو بيبص عليا بتركيز أتكلم عمو عبدالله مكاني. 
_جهاد بنت عبدالرحمن الهواري صديق عمري اللي حكيتلك عنه يا مراد. 
أيوة فاكره. 
_عمك عبدالرحمن م١ت من أربع سنين هو ومراته في حدثه ومن وقته وجهاد عايشه مع جدها وعمها في البيت مش هقول أنهم ناس صعبه لكن هقلك أنك متقدرش تعيش يوم واحد معاهم أنت راجل أهو هيحاسبوك على النفس ما بالك لو بنت 
يعني بيحبسوها في البيت 
ضحكت وهي بتمسح دموعها وأنا فهمت أن دي ضحكة استهزاء بسؤالي أتكلم بابا وهو بيطبطب على أيدها. 
_كانوا بيضربوها يامراد. 
بصيت لبابا