حضرتك محتاجه حاجه
أسوء كوابيسي أن دا كله يحصل معايا أنا بقيت بخاف من صوت الباب وصوت أنفاس الناس حوليا كأني طير وبتروا جناحه عايش بجناح وكل أمله أنه يرجع يرفرف تاني بس دا مستحيل يحصل هيوصلولي هنا جدي مش هيعدي هروبي بالساهل هتكون نهايتي وكنت عارفة كدا وأنا بخرج من هناك.
شهقت من كتر العياط كان واقف بيسمعني بكل حواسه كنت حاسة أن وأخيرا في حد بيسمعني أنا مش لوحدي في الدنيا في حد ممكن أخرج كل ۏجعي قدامه كملت كلامي وأنا ببتسم وسط دموعي.
_أخرسي متقوليش كدا تاني.
شخط فيا فدموعي زادت كنت شايفة دموعه اللي بيحاول ميخلهاش تنزل حاوطني بأديه وأتكلم بحنية كنت نسيتها.
_تعبانة أوي روحي من جوه پتنزف ومعرفش ليها دوا ولا ترياق كأن المت هو الراحة اللي بدور عليها ومش قادره أنولها.
_متسبنيش بالله عليك حتى لو فاضل في عمري يوم واحد بالله متسبنيش.
_أنا جمبك ياحبة عيني ربنا يعافيك ويطول في عمرك.
كنت واقف قدام الباب وسامع كل الحديث بيهم والله ما كان قصدي أسمعهم بس جات صدفة في ناس بتعاني في الدنيا وأحنا مش بنسمع حتى آنينهم فاكرين أن حياتنا ومشاكلنا اللي بنمر بيها هي نهاية العالم لكن للأسف في مشاكل مجرد بس ما بنسمع عنها بنتألم ومش بنستوعب أن في ناس قادره تتحمل وتعيش رغم كل الخړاب دا خدت نفس طويل وخرجته ودخلت وأنا بنده على بابا.
_حاضر يا حبيبي يلا يابنتي.
نزلنا وركبنا العربية طول الطريق وهي بتتفرج على الطريق كأنها طفلة بتشوف الشارع لأول مرة كان بابا قاعد جمبها برضو طول عمره بابا حنين لكن عمري ما شفت الجنية المفرطة دي اللي مرت بيه مش قليل وحب بابا ليها ولبباها هو اللي مخلي حزنه أكبر.
_كل دا بتكشف عليها يا مراد
يابابا بالله أهدى دي ملهاش عشر دقايق جوه متقلقش الدكتورة أميرة أشطر دكتورة قلب هنا أطمن هتكون بخير.
_أنت مدخلتش معاها ليه مش دكتور وطالع عينك في سنين الدراسة.
دكتور صيدلي مش بشړي يابابا ممكن تهدأ وترتني معاك.
كان لسه هيرد عليا بس خرجت الدكتورة وخرجت معاها جهاد جري بابا نحيتها وهو بيسندها أبتسمت على رد فعل بابا وأنا كمان حاسس أنها بنته فعلا قربت من الدكتورة وأتكلمت.
_دكتور مراد مش كدا
أيوة.
_حضرتك أنا مش قادره أفهم أزاي دكتور وتسمح بالچريمة اللي حصلت دي دا شيء شنيع.
بصيت لبابا بتعجب فقعد جهاد على كرسي وقرب منها وأتكلم بقلق.
_حضرتك ممكن تفهمينا في أي
_حضرتك والدها
_أنا عمها.
_مين الدكتور اللي قال أنها مريضة قلب لا وكمان بيديها علاج
_هي كانت عايشه بعيد عني وحقيقي معرفش ممكن تفهميني في أي
خدت نفس طويل وبعدين بصت على جهاد بحزن كنت واقف على أخري مش فاهم حاجة وكلامها خو ف قلبي أتكلمت وهي بتوجه كلامها لبابا.
_الأستاذه جهاد مش مريضة قلب.
_أي
قالتها جهاد پصدمة وهي بتقف بصعوبة للحظة كنت هقرب أسندها بس بابا سبقني ومد أيده سندها أتكلمت بتعب وأرهاق.
_قصدك أي يادكتورة بكلامك!
_قصدي أن قلبك سليم الأعراض دي كلها بسبب العلاج اللي بتاخديه الإنسان لما بياخد علاج لمرض معين وهو مش عنده المړض دا العلاج بيجيب نتيجة عكسيه يعني دوا القلب اللي بتاخديه بيأثر على قلبك بالسلب وهو اللي وصل حالتك لكدا ولو كنت استمريتي عليه فترة أطول كان ممكن تبقي مريضة بجد.
كنت واقف مش قادر أترجم كلامها من كتر ما هو مرعب بابا كان بيزيد من ضمھ
