حضرتك محتاجه حاجه

پصدمة وأنا حاسس بالضيق أزاي يمدوا أيدهم على بنت ومش أي بنت دي بنت أبنهم اللي م١ت وسبهالهم أمانة كمل بابا كلامه. 
_كانت ممنوع تخرج من البيت وممنوع طيفها يظهر لو في رجاله في البيت كانوا مشغلينها عندهم وأخرها أهو عايزين يجوزوها لواحد أهل بلدهم كلها يعرفوا عنه قسۏة القلب وقلة الدين كل شهرين تلاته كانت بتكلمني من وراهم محدش يعرف أن معاها تلفون أنا اللي كنت جايبه ليها لولا جدتها الله يرحمها وفضلها عليا كنت بلغت عنهم من زمان. 
سكت بابا بحزن وهو مازال ماسك أيد جهاد بدأت أفتكر كلام بابا عن عمو عبدالرحمن وأن بابا وهو أخوات في الرضاعة دلوقتي بس فهمت تساهل بابا معاها ولمسها كل شوية بس دي أول مرة أعرف حكاية جهاد أول مرة أعرف أن عنده بنت أصلا بصيت لجهاد وسألتها بهدوء. 
من أمتى وأنت عارفه أنك مريضة قلب 
بصلها بابا بحيرة كان واضح أن هو كمان ميعرفش أتكلمت بصوت تعبان. 
_من سنة ونص تعبت مرة وجدي وداني لدكتورة وهي قالتلي كدا من وقتها وأنا باخد الدواء دا ومرحتش عندها تاني. 
سألتها وأنا بتمنى مسمعش اللي جه في بالي. 
عايزه تفهميني أن ليك سنة ونص بتاخدي دواء قلب من غير متابعة مع دكتور 
_أيوة. 
أزاي كدا 
_كان ممنوع أخرج من غير جدي أو عمي وهم الأتنين كانوا بيقولوا أن الدواء كفاية ومش محتاجة لدكتور. 
وأنت بتصدقيهم بسهولة كدا 
بصت لبابا ورجعت بصتلي حسيت في نظرتها بالقهر كأنها عايزه تصرخ بس مش قادره ردت بهدوء يشبهلها. 
_عمري ما صدقتهم في حرف قالوه ليا ولا نظرتهم ولا نبرة صوتهم لكن أنا مكنتش أقدر أعترض معنديش الطاقة ولا القدرة إني أقف قدام واحد فيهم. 
أنت لأزم تروحي لدكتور حالا حالتك مينفعش نتأخر عنها. 
_مراد عنده حق يابنتي لأزم نطمن عليك. 
_المهم أنا هعمل أي وهروح فين 
_أنت هنا في بيتك وهتفضلي هنا متشغليش بالك بكل اللي جاي المهم دلوقتي تقومي تغيري هدومك دي علشان ننزل نروح لدكتور. 
_حاضر. 
قالت كلامها وأنسحبت من وسطنا دخلت أوضتي كنت باصص على طيفها بحزن حالتها سيئة جدا من أول ما شفتها شكيت أنها أكيد تعبانه أيديها الزرقة وشفايفها تحت عيونها كل دي علامات واضحه لمريض القلب المحزن أكتر أنها مش بس مريضة لا وبتعاني في حياتها الغير أدمية بالمرة خدت نفس طويل وبصيت على بابا اللي حاوط وشه بكفوفه والهم واضح عليه أتكلمت وأنا بحاول أهون كل اللي بيحصل دا. 
أطمن إن شاء الله تكون بخير. 
_طول عمري بحبها كنت بتمنى أخلف بنت زيها يمكن عمرك ما شفتها لكن أنا كنت بزورهم دايما كانت وردة بتضحك دايما وجميلة بشكل يلفت القلب كأنهم زرعوها في 
تربة غير تربتها دبلت وپتموت عمك عبدالرحمن مخلفش غيرها زي ما أنا مخلفتش غيرك عمك كان عاقل وغير باقي أهله ربى بنته كويس وعلمها كان بيحبها أوي كان بيعاملها كأنها أميرة من كتر حبه فيها قلبي أتكسر وأنا شايفها كدا للحظة معرفتهاش بسبب شكلها اللي أتغير بهتت وقلبها أتفتت. 
دمعة نزلت منه وهو بيحكي عنها زود حزني عليها كان بيتكلم بكل ۏجع الحياة مرعبه بين يوم وليلة الأميرة بقيت جارية زليله من الجنة للچحيم بين يوم وليلة أتنهدت بقلة حيلة وقومت حضنت بابا وأتكلمت بهدوء. 
خلاص هي بقيت هنا إن شاء الله هتبقى بخير ومفيش أذى هيصيبها طول ما هي جمبك. 
_يارب يا مراد أقدر أعوضها عن كل المر اللي شافته. 
إن شاء الله يابابا بس نطمن على صحتها الأول. 
خرجت من الأوضة فقررت أنسحب من بينهم لأني حاسس أنها عايزه تتكلم مع بابا لوحدهم. 
أنا هنزل أجهز العربية وأكلم عمار يقابلنا في المستسفى هو يعرف دكتورة كويسة هناك. 
_طيب ياحبيبي. 
نزل وسابني مع بباه لوحدنا خدت نفس وقربت منه أبتسملي بحنية وأتكلم وهو بيمسك كف أيدي. 
_ما شاء الله طول عمرك جميلة ورؤيتك بترد الروح ياجهاد. 
دمعة نزلت مني وأنا ببص على أطراف صوابعي وبفتكر شكلي وتعبي أتكلمت وأنا برفع عيوني ليه. 
_مبقيتش جميلة زي الأول أنا أتشوهت ياعمو بقيت مسخ لا حصلت إنسانة عايشة ولا حتى مېته روحي متعلقه بين السماء والأرض ۏجع في قلبي وكل أطرافي أنا مريت بسنين عڈاب ياعمو متخيلتش في