امك اتمسكت ...
انا حياة اللى قابلتك على البحر ساعة ماكنت بتعيطى
نور حياة مش معقول كده بردو
وعدتينى حتتصلي علية ومتصلتيش
فينك يابنتى
حياة معلش والله يانور كنت مشغوله طول الفترة اللى فاتت
وكمان محبتش ازعجك
نور تزعجينى ايه بس ياحياة ده انتى والله كنت وحشانى اوى بس للاسف مكنتش عارفه اوصلك ازاى
وحاولت ادور عليكى عالفيس وملقتيتكيش
حياة تانى فيس يانور احنا قلنا ايه
نور لا والله انا حرمت انا خلاص مبقتش بكلم حد خالص
حياة نور انا محتاجه لك اوى لو تقدرى تساعدينى
نور قولى ياحياة انا معاكى باحبيبتى
حياة انا كنت بشتغل في عيادة دكتور عشان اصرف على كليتى وماجرة شقه عايشه فيها
بس للاسف الدكتور ماټ بقاله اسبوعين ومن وقتها وانا دايخه على شغل ومش لاقيه
مش عارفه حدفع ايجار الشقه واجيب مصاريفى منين
انا اسفه والله يانور مكنتش حابه اتصل عليكى عشان اطلب منك حاجه بس لما الدنيا ضاقت بية ملقتش ادامى غيرك
نور يعنى انتى عاوزة تشتغلى
حياة ياريت والنبي يا نور لو ساعدتينى تبقى خدمتينى خدمة العمر وجميلك حيبقى فى رقبتى العمر كله
نور خيرك سابق ياحياة ياحبيبتى
بصي ادينى فرصه بس النهارده وبكرة ان شاء الله حرد عليكى
حياة بس والنبي متنسيش الله يخليكى
نور عيب عليكى دى نور بمية راجل
بس قوليلي انتى فى كلية ايه
حياة كلية الطب
نور ياعم ياجامدده انتى متفوقه بقى وفى سنه كام ياحياة
حياة انا لسه فى اعدادى طب
نور ازاى ده انا افتكرتك حتقولى اخر سنه مثلا
حياة لاء اصل حصلت ظروف عندنا فاضطريت اسيب الدراسه فترة وارجع تانى
نور ربنا معاكي يا قلبي انتي تستاهلي كل خير انا عمرى ماحنسى انك شيلتى عنى الهم فى اكتر وقت كنت حزينه فيه
حياة متقوليش كده يا نور انا معملتش حاجه
وانا والله ماكنت اتمنى انى اكون بكلمك عشان طلب
بس لما الدنياضافت فى وشي قلت اقولك
نور ان شاء الله حتصل بيكى بكرة واقولك
وحسجل رقمك دلوقتى على طول
حياة تمام وانا مستنياكى يانور
تغلق معها التليفون وهى تدعوالله
فيرن تليفونها فترد
ازيك يا ام علا عاملين ايه
ام علا طمنيني عليكي انتي ياحبيبتى معلش فى مشاكل هنا فى البلد
وعم الولاد تعبان اوى وابو علا محتاس بيه
حياة ربنا يقويكم ويعينكم حترجعوا امتى انا حسه انى يتيمه من غيركم
ام علا معلش يا حبيبتي حقك علية والله انتى كمان وحشتينى اوى احنا كنا فاكرين ان الموضوع اسبوع واللا عشر ايام مكناش تعرف ان الدنيا هنا حتبقى بايظه كده
المهم طمنينى عامله ايه فى المذاكره
حياة الحمد لله
والله
ام علا طب معلش ياحياة حماتى بتنادى علية خللى بالك من نفسك
وادعيلنا الامور تهدى عشان نرجع انا اتخنقت هنا
حياة ترجعوا بالف سلامه انا كمان محتاجاكم اوى حياتى وحشه اوى من غيركم
ربنا يرجعكم لية بالف سلامه
تغلق حياة التليفون وتبكي على حالها
فتقوم وتتوضا لتصلى وتدعو ربها ان يفرج عنها ماهى فيه من هموم
ياتى الصباح يعلن عن ميلاد يوم جديد لتتغير معه حياة البعض للأحسن وحياة البعض الاخر للاسوا
فى الصباح الباكر يستيقط فريد من نومه على صوت شهد فى الحمام وهى تتقيئ
فريد تعالى ياشهد استريحى
شهد تعبانه اوى يافريد مش قادرة
فريد معلش ياشوشو استحملى بس الشهرين دول وبعد كده ان شاء الله حتبقى زى الفل
شهد انت حتتاخر النهارده
فريد لا ياحبيبتى حخلص شغل وارجع على طول لما تفوقى كده اتصلي علية اجيبلك كل اللى انتى عاوزاه
شهد ربنا يبارك لي فيك يا رب
انت اجمل هدية لية من ربنا
فريد ده انا اللى امى دعيتلى فى ليلة القدر
انا عمرى ماتخيلت انى ححب بالشكل ده
شهد بتحبنى يا فريد
فريد وهو يقبل يدها بحبك دى كلمه قليلة على الإحساس اللى حسه ناحيتك قولى بعشقك بمۏت فيكى
حبيبتى انتى الحب كله ربنا يخليكى لية ياحبيبتى يارب وتقوميلي بالف سلامه
شهد طب انا عاوزة استئذنك فى حاجه
فريد انتى تؤمرى ياقلب فريد
شهد عاوزة انزل الشغل
فريد تنزلى فين ياقلبي ده انتى بتنامى وانتى بتكلمينى
عاوزه تدخلى المعمل وتنامى عشان تفجرى الشركه
لاياروحى انسي وبعدين هو انا قصرت معاكى فى حاجه ياشهد
شهد لا والله ابدا ياحبيبى انت مش مخللى نفسي فى حاجه
بس انا زهقت من قعدة البيت ونفسي اخرج واشوف الناس
فريد طب روحى عند مامتك او عند مامتى والله دى بتحبك اوى
شهد وانا كمان والله بحبها بس انا عاوزة اشوف ناس جديده
فريد بصي ياشهد خلاصة الكلام مفيش نزول للشغل غير لما تبقى كويسه ولو علية انا مش عاوزك تنزلى اصلا
شهد خلاص ياسيدى بس متأفش كده
فريد
يالهوى لاء بصي انا مقدرش على كده انتى معندكيش اخوات صغيرين اللا ايه
شهد هههههه هههههه هههههه
فريد لاء خلاص انا مش رايح الشغل
شهد هههههه قلبك ابيض ده انا خمس دقايق وحكون فى العالم الاخر
يتركها فريد ويذهب الى عمله بينما شهد تحدث نفسها احمدك يارب واشكر فضلك
ثم تتذكر رفيقة عمرها
ياحبيبتى ياحياة ياترى انتى فين وعامله ايه ياحبيبتى ربنا يجمعنى بيكى على خير يارب
ثم تضع يدها على بطنها وانتى يااستاذه ياللى جوة ياللا اخرجى بقى عشان حياة ترجع تنور حياتى تانى
فى