رواية صعيدية

انا بعشقك ومش عايز حاجه فى الدنيا الا حضنك يبقى ليا لوحدى 
تالا قلبها عمال يدق بسعاده انا كلى ليك ياحبيبى مش حضنى بس ولا حد فى العالم كله يملا عينى وقلبى غيرك انت 
وصلت ساره قصاد بيت عمها وضړبت الجرس فتحت مرات عمها وفاء الى وشها اتغير لما شافتها ساره!! اهلا يابنتى اتفضلى 
ساره بصتلها بخجل قبل ما ادخل انا اسفه على اى موقف وحش حضرتك شوفتيه منى او من ماما ولو مقبلتيش اعتزارى انا همشى ومش هجى هنا تانى 
وفاء بصتلها باستغراب اتفضلى يابنتى انتى مهما حصل زى بنتى وطول عمرى بعتبرك كده وربنا عالم كنت زعلانه عليكى ازاى وانتى تعبانه 

دخلت ساره وحضنتها انا عارفه ياطنط وانا كمان بحبك والله 
ابتسمت وفاء الحمد لله انك رجعتى تتكلمى تانى على قالى ان صوتك كان رايح 
بصت ساره نحية اوضته على ورجعت بصت لوفاء الحمد لله 
سكتت ساره محروجه تسألها على على وفاء حست بيها قامت وقفت انا ډخله انادى على من جوه ده هيفرح قوى انك بقيتى كويسه 
بعدت وفاء شويه ورجعت تانى ولا اقولك ادخلى انتى عبال ماعملك حاجه تشربيها هو فى المكتب عنده شويه شغل بيخلصه
وقفت ساره وقلبها عمال يدق وصلت للباب وخبطت 
على رد من جوه تعالى ياماما بتخبطى ليه 
دخلت ساره كان وشه فى الورق الى فى ايده لما ماسمعش صوت رفع عينه ولسه هيكلم سهم لما لقاها ساره قام راحلها ووقف قصادها وهو مش مصدق انها هنا ساره !! انتى جيتى امتى هو فى حاجه استنى ثوانى اجبلك ورقه وقلم تكتبيلى 
لف يجبلها الورقه اتفاجا بيها بتقوله ملهومش لازمه ياعلى 
لفلها بسرعه بفرحه باينه على وشه اننتى اتكلمتى ولا انا بيتهيالى 
ساره بصتله بلوم بعدت عنى تانى ليه ياعلى
على بصلها بۏجع ڠصب عنى خۏفت 
ساره خۏفت منى !! 
على خۏفت اكون بالنسبالك مجرد ايد بتساعدك تخفى مش اكتر علشان كده قولت ابعد من نفسى قبل ماتطلبيها منى 
ساره قربت منه وتفتكر لو انت مجرد ايد بتساعد انا كان هيفرق معايا بعدك 
على بصلها بامل وهو فرق معاكى !!
ساره لو مفرقش مكنتش هبقى هنا دلوقت 
على قلبه دق بسرعه مش يمكن رد جميل انى وقفت جنبك 
ساره قربت مش يمكن اكون بحبك 
على بصلها بفرحه ايه !! 
ساره بحبك ياعلى من يوم ماعرفت يعنى ايه حب وانا بحبك 
على بزعل وجاسر كان ايه 
ساره كان وهم عيشت نفسى فيه علشان ابعد تفكرى وقلبى عنك بعد ماماما قالتلى انك بتحب واحده وهتتجوزها 
على بسرعه والله ماحصل انا 
قاطعه ساره انا عرفت انه محصلش ماما قالتلى انها هى الى الفت الحكايه دى علشان ابعد عنك 
على بغيظ وليه تعمل كده 
ساره حكتله كل الكلام الى نعيمه قالته وبعد ماسمع صعبت عليه نعيمه وعزرها فى الى عملته 
كملت ساره انا علقت نفسى بجاسر علشان اهرب من حبك حتى لما ماما قالتلى انك بتتصل تسال عليا وانك لسه عايزنى قولت لنفسى اكيد ساب الى بيحبها وملقاش غيرى كنت موجوعه قوى منك علشان كده مكنتش برد على مكلماتك ولا رسايلك 
على انا رغم ان مكنش عندى امل انك تكونى ليا وخصوصا بعد خطوبتك بجاسر بس من جويا كنت حاسس انك ملكى حلم عمرى الى عشت اتمنى احققه
ساره ابتسمت ومستنى ايه عشان تحققه 
على بصلها قوى كنت مستنى اسمعها منك 
ساره وانا بقولك ااهو انى بحبك وعايزه اتجوزك
على ضحك طيب هتطلبينى من بابا امتى 
ساره ضحكت قوى لا بقى كده كتير ده اخرى معاك عمى ده عليك انت
وانا موافق طبعا 
بصوا الاتنين على الباب لقوا عمها محمود واقف على الباب مبتسم جريت ساره عليه حضنته عمو حبيبى وحشتنى قوى سامحنى على بعدى عنك طول الفتره الى فاتت
محمود ابتسم انتى بنت الغالى الله يرحمه وغلوتك فى قلبى كبيره قوى مهما حصل هتفضل زى ماهى ودلوقت مش هتبقى بنت الغالى بس لا هتبقى مرات الغالى كمان 
على قرب باس ايده ربنا يخليك ليا يابابا 
محمود المهم حددوا الجواز بسرعه علشان انا عايز احفاد كتير انا بقولكم اهو 
ساره اتكسفت وعلى بصلها وغمزلها وهو بيقول لابوه من عنيا ياحاج ليك عليا تستلم منى كل سنه عيل 
ساره برقت ووشها كله بقى احمر وبصت لعمها بتوتر ااانا همشى ياعمو بقى علشان متاخرش. 
ضحك محمود على كسوفها ماشى ياحبيبتى انا هبقى اكلم ماما واتفق معاها على كل حاجه
على بصلها وهو طاير من الفرحه استنى هجيب المفاتيح واجى اوصلك 
شاروتها براسها موافقه ثوانى ورجعلها تانى اخدها ونزل ركبوا العربيه وطلع بيها بصلها على واتكلم بصوت كله غيره احمم هو انتوا لسه قاعدين عند خالتك
ابتسمت لما حست بضيقه اه انت عارف انها قاعده لوحدها ومصممه نفضل معاها 
على بضيق وغيره طيب ماهو اكيد جاسر هيبقى يجى يزوها وممكن يبات عندها 
ساره بصتله بحب ياحبيبى جاسر بالنسبالى مش اكتر من اخ صدقنى انا الى فى قلبى ليك عمرى ماحسيته مع حد غيرك خلى عندك ثقه فى كده 
على وقف العربيه وبصلها ڠصب عنى ياحبيبتى قلبى بيوجعنى كل لما افتكر انه فى يوم كان خطيبك وليه حق فيكى وقلبى بينحرق لما بتخيله بيحب فيكى
ساره بصتله وضحكت يحب فيا !! داحنا مافيش فى مره اتقابلنا الى لما ندب خڼاقه صدقنى ياعلى جاسر طول عمره اخويا بس هو النبى ادم كده ساعات بنغلط فى حق نفسنا لما نعيش فى وهم اترسم لينا علشان ننسى حد تانى 
على مسك اديها وياترى قدرتى ساعاتها تنسى 
ساره بصتله لا !! كنت اول لما ببقى لوحدى بطلع صورتك وافضل اتكلم معاها كانك قصادى ولما اتعب من العياط اخدها فى حضنى وانام 
على باس اديها وبصلها بحب كلها كام يوم وتخدينى كلى فى حضنك مش صورتى بس 
ساره سحبت اديها بكسوف روحنى بقى احنا فى الشارع عيب كده 
ضحك على وساق العربيه لحد البيت وهما فى منتهى السعاده
تانى يوم عند مريم صحيت من النوم مكنش بدر موجود جنبها بصت للساعه لقتها عشره قالت لنفسها اكيد راح الشغل كفايه فضل معايا امبارح طول اليوم ومرداش يسبنى 
لسه هتقوم لقت بدر داخل بصنيه عليها الفطار بصتله باستغراب انت مانزلتش الشغل 
ساب الصنيه من ايده وراح قعد جنبها وقرب منها قوى على فكره ممكن عادى تقوليلى صباح الخير يا حبيبى وتبوسينى وبعدها تسالينى ماروحتش الشغل ليه 
مريم ابتسمت وقرب باسته من خده صباح الخير يا قلبى 
رفع حاجبه بغيظ ايه
ده !! 
مريم ابتسمت فى ايه
تعالى بقى افطرى واشربى كبايه اللبن دى كلها 
مريم الضيق بان على وشها اول لما شافت اللبن بصت لبدر بترجى بص ياحبيبى انا هاكل زى مانت عايز بس وحياتى عندك بلاش اللبن انا عمرى ماحبيته ابدا 
بدر قرب الاكل