مچنون

علشان شوفتك.
خلص أكل وافتح الباب وروحني يا زين ودا أخر كلام عندي.
أخر كلام
أخر كلام.
قام وقف وقال وهو رايح الحمام.
ماشي اخبطي دماغك في الحيط.
مشيت وراه بقى كدا طيب لو مفتحتليش الباب هنط من الشباك وأخلص منك للأبد.
البيض كان حلو اوي تسلم ايدك يا حبيبتي.
ابتسمت بجد عجبك طب أنا المرة الجاية.. المرة الجاية أية مش هتبطل أسلوبك دا بقى!
تشربي سحلب
بتهزر فيه هنا
جبت كيلو وخليته علشانك عارف إنك بتحبي تشربيه في الشتا.
ابتسمت شكرا يا زين استنى هعملنا كوبايتين و ..
سكت وبصتله فضحك سيبته واقف مكانه ودخلت أول أوضة قابلتني وقفلت الباب بالمفتاح بسرعة.. بالمفتاح !
وقفت مكاني وبصيت للمفتاح بحزن من أمتى وأنا بحط حواجز بينا من أمتى وأحنا بنعامل بعض بالشكل دا.
قعدت على السرير ساكتة من شهرين حدث صعب حلم حلمت بيه خمس سنين وفي الآخر راح مني.. ومن ساعتها وأنا واقفة مكاني مش عارفة لا أكمل لا معاه ولا مع نفسي حتى.
لما طلبت الطلاق رفض أنا مش طالبة الطلاق علشان مش عاوزاه في حياتي أو علشان كرهته بالعكس دا عمره ما عمل حاجة تكسر نفسي أو تزعلني لأيام أخرنا في الخصام كان يوم بالكتير وفي آخر اليوم كنا بنتصافى.
انا طلبت الطلاق علشان ابعد
عن حياتي
دي علشان أحاول أنسى حلمي الضايع علشان هو كان شريكي في الحلم علشان لازم نبعد شوية عن بعض.. بس هو مش فاهم مش فاهم أي حاجة.
رحمة.. أنت أيتها الغاضبة الخانقة.
ابتسمت ووقفت ورا الباب خير.
مش هتاكلي
وفر قلبك الحنين دا لنفسك أنا مش عاوزة أكل ولا عاوزة منك أي حاجة.
أي حاجة أي حاجة
أي حاجة أي حاجة.
ماشي حيث كدا بقى هشرب كوباية السحلب الكبيرة ام مكسرات دي لوحدي مدام أنت مش عاوزة حاجة باي.
زين.
رد بعد فترة قصيرة نعم.
أنت مبتردش علطول لية
مكسل.
طب.. طب أنت شربت السحلب
لأ بس ناوي أخد الخطوة يلا بسم الله.
لا استنى والنبي.
فتحت الباب لقيته واقف قدامي ومادد الكوباية.
بالهنا والشفا يا قموصة.
اخدتها من أيده بسرعة ينفع متتكلمش معايا تاني
وأنت مين أنت علشان تمنعنيني أتكلم مع