ومضة
انت في الصفحة 1 من 5 صفحات
ملكش فيه ربك رب عطا بيدي البرد على قد الغطا.
رائف
ترجمي اللي قولتيه ل جملة عربية.
مش قولت لك إنك كتكوت ومايع.. دا اخر كلام عندي موافق ولا لاء
رائف بتفكير موافق وأمري لله.. بس لو حصل أي خلل في سداد الفلوس دا معناه إنك خارج المشروع.
يارب تعرف تسد انت بس.. متشيلش همي خالص.
رائف طيب أنا طالب منك خدمة.
من أولها! أرغي.
الجد صادق بجدية
خير يا رأفت يابني.
وفي لحظة غير متوقعة تعالت ضحكتي عندما لم يستطع جدي تذكر اسم رائف ورأيت وجه رائف مغتاظا من هذا الموقف
عنك انت اسمي رائف ياجدي والله العظيم رائف.
الجد صادق بمزاح
حقك عليا يابني العتب على الذاكرة والأسم تقيل برضو.
ولا يهمك ياجدو.. أنا بس محتاج تشهد شهادة حق هل يصح نبقى شركاء وتعاملني بالمنظر ده.
ماله المنظر ياابن الأكابر بشد في شعري ولا بقطع في هدومي.
رائف بإبتسامة
ياستي ياريت أنا محتاج المعاملة بينا فيها أحترام لا كتكوت ولا سحتوت وكمان أنجز وأرغي والضړب بالدماغ ده وكل ده مينفعش
أحنا شركاء وهيبقى في بينا عيش وملح.
الجد صادق بنظرة ثاقبة
وعد!!.
نعم ياجدي.
الجد صادق بنفس النظرة
كلام رائف صح لازم يكون في أحترام بينكم على الأقل قدام الناس ميصحش كدا الراجل مغلطش ده حقه وانت سوقتي فيها خلاص بقا.
إتعصبت جدا ونظرت لجدي پغضب شديد ولكني لم أتفوه بشيء ثم نظرت ل رائف الذي كانت نظرته يلمع فيها الانتصار علي
رائف
بس أنا لسه مطلبتش الطلب بتاعي.
نظرت إلى جدي وكلي ڠضب لكنه نظر لي وكأنه يحثني على الالتزام وآداب التعامل. وجهت نظري إلى رائف وتحدثت بضيق شديد.
رائف
محتاج أي شقة أسكن فيها تكون جنب المكتبة.
محتاجك تساعديني في ده أنت أكيد أدرى مني بمنطقتك يعني.
الجد صادق
طبعا يابني بس ليه ما تقعد في الشقة اللي فوق.
على چثتي ياجدي بقى ده يقعد في شقة أبويا اللي يرحمه!! بقى دا برضو اسمه كلام.
الجد صادق پغضب
وعد..اللي أقوله يتنفذ.. فين مفتاح الشقة
رائف ينظر إلى وعد
ياجديأنا عايز أي مكان تاني معلش.
أهو هو بذات نفسه مش عايز نضربه على إيده أحنا يعني علشان يسكن
الجد صادق
المفتاح يا وعد!.
أخرجت المفتاح من جيب حقيبتي وعيوني تحبس الدموع كي لا تنهمر. شعرت أن رائف اللعېن قد وجد الطريقة للسيطرة علي وعرف نقطة ضعفي.
