كارمن 17
تخرج كارمن من غرفتها بمنزل الهوارى امتنعت عن تناول الطعام لمدة يومين بعد ذهاب والدتها حتى فقدت الوعي وجاءت الطبيبه من اجلها منذ ذالك اليوم وازهار تهتم بها دون ان تعرف بترتيب جدها بزواج كارمن من زوجها فراج. حتى جاء اليوم وطلبها جدها الي القاعة التي يجلس بها هي ووالدتها وداد.
دلفت ازهار الي داخل القاعه ولم تتوقع سبب طلب جدها لها. خطت بقدميها واقتربت من جدها ووالدتها نظرات عين والدتها الدامعه لم تبشر بالخير خفق قلبها بقوة بعد استماعها الي صوت جدها القوي
جلست امامه وهي تنظر الي والدتها بفضول اعين والدتها اللامعه بالدموع كانت تخبرها بشئ لم تستطيع قوله. صوت جدها اخرجها من شرودها وجعلها تنتبه لحديثه اليها
انا كنت بتكلم مع امك دلوقتي يا ازهار في موضوع يخصك انتي وفراج.. انتوا دلوقتي متجوزين بقالكم سنتين وانا نفسي افرح بحفيد يشيل اسم العيلة واطمن عليكم قبل ما اموت.
ربنا يخليك لينا يا جدي.. وانا كمان نفسي ربنا يرزقني بالخلف بس هنعمل ايه! حكمت ربنا.
تحدث جدها بقوة
ونعم بالله يا ازهار.. بس ربنا يا بنتي ادا لجوزك رخصه للظروف اللي زي دي.
عقدت ما بين حاجبيها پصدمة وتحدثت بدهشة
رخصة ايه اللي تقصدها يا جدي!
قصدي ان جوزك من حقه يتجوز ويجرب حظه مع واحدة تانيه.
شهقت پصدمة وانتفضت من مكانها رفعت والدتها وجهها ونظرت اليها بحزن وقفت ازهار تردد حديث جدها پصدمة
يتجوز واحدة تانيه ازاي! ازاي يا جدي عايز فراج يتجوز عليا!
عشان مصلحة العيلة يا ازهار. العمر بيجري وعيلة الهواري لازم يتمد عودها باحفاد كتير.
بكت ازهار وتحدثت باڼهيار
بس انا مقصرتش يا جدي! انا عملت كل اللي عليا! روحت لدكاتره وخدت علاج وبعمل كل حاجة يقولوا عليها قولي اعمل ايه اكتر من كده وانا اعمله
اجابها جدها بقوة
متعمليش حاجة يا ازهار.. انا عارف ان انتي عملتي اللي عليكي ومفيش فايده وعشان كده قررت اجوز فراج واحدة تانيه.. وانتي هتفضلي على ذمته وليكي حقوقك كامله.. ولو يوم فراج قصر معاكي انا اللي هقف له.
قولي حاجة يا امي.. سامعه جدي عايز يعمل فيا ايه!
وقفت والدتها واقتربت منها وعانقتها بقوة وهي تبكي هي الاخري وتحدثت الي ابنتها بحزن
جدك كبير العيلة يا ازهار وهو ادرى بصلحتنا ومصلحة العيلة.
بكت ازهار بداخل حضڼ والدتها ربتت والدتها علي ظهرها
