انا اسمى ريهام

 

 تشوفيه يا ماما انتي وبابا عارفين مصلحتي.. انا طبعا عايزه اكمل تعليمي واتخرج واشتغل بس ده هياخد سنين كتيره اوي .. وانا عايزه اخرجكم من الحياه الصعبه واريحك من الشغل انتي وبابا 
..انا طبعا قولت لها لا احنا متعودين علي الشغل ده واحنا ملناش غيرك انتي واخواتك وعايزين نشوفكم احسن ناس..احنا بنعمل كل ده علشان نطلعكم علي وش الدنيا
... قعدت مع جوزي  وبصراحه كنت محتاره لحد ملقيت جوزي بيقول لي متيجي نوافق ع الراجل ده.. انتي مش شايفه هو غني ازاي ده بيلعب بالفلوس لعب
قولت له انسي الموضوع ده هو جه هنا قعد اسبوع ومشي وتلاقيه نسينا اصلا ومش هيرجع تاني

عدي اسبوع بالظبط ولقينا الراجل المصري الي كان مع الخليجي جاي لنا المطعم 
وفضل يقنع فينا نوافق وقال ده  غني جدا وساكن في قصر وبنتكم هتعيش،معاه ملكه انتم ازاي ترفضو عريس زي ده.. مسبناش الا لما اقتنعنا .. ومشي وهو فرحان جدا 
ومفيش  تلات ايام  لقينا عربيه فخمه   جت اخدتنا علشان نروح نشوف  البيت الي بنتنا  هتعيش فيه.. وروحنا انا وجوزي وبناتي  والعربيه اخدتنا  لمكان راقي جدا انا مكونتش اتخيل ان الناس عايشه كده حاجه ولا في الاحلام .. اماكن مجاش في بالنا اننا نعدي من جنبها حتي 
ولما دخلنا جوه القصر لقينا عالم تاني خالص
بنشوفه في الافلام والمسلسلات 
بنتي كانت ماشيه ورايا زي متكون خاېفه بتقدم خطوه وتاخر خطوه .. ولقينا الراجل الخليجي منتظرنا في الصالون واول ما قابلنا رحب بينا ترحيب شديد وخلي الخدم جابو لنا جميع انواع الاكل والمشروبات.. وقال لنا بصراحه بنتكم عجبتني وعايز اتجوزها علي سنه الله ورسوله والقصر ده كله هيبقي بتاعها ومش هخليها عايزه حاجه 
وانتم كمان هتيجو تعيشو معاها هنا  بدل بيتكم الشعبي .. طبعا ابوها وافق من غير تفكير .. احنا عمرنا مافكرنا ولا جه علي بالنا اننا نعيش،عيشه زي دي.. واتفقنا انه هياخد البيانات ويجهز الاوراق ويجيب الماذون ويجي لنا نتمم  الجواز وعلي ما نتمم الجواز هتفضلو قاعدين هنا في القصر
وفعلا بعد يومين بالظبط لقيناه جايب الماذون ومعاه اتنين شهود
باقي قصه نسمه
وقال نسمه تكتب الموءخر الي هي عيزاه وجاب لها شبكه غوايش وسلاسل وخواتم
ودبله الجواز وكتبنا الكتاب ونسمه كانت  فرحانه جدا واحنا كمان كونا فرحانين 
وفضلنا عايشين معاهم في القصر ..مكانش راضي يسيبنا نمشي ولا نرجع بيتنا.. قال لنا انتم هتعيشو هنا في القصر مع بنتكم ومش هينقصكم حاجه
قضينا اسبوعين زي الملوك عايشين ناكل ونشرب وننام ولما نزهق نخرج نقعد في الجنينه والبسين
طبعا جيراننا وقرايبنا عرفو الخبر وان نسمه اتجوزت مليونير وعايشه في قصر  واحنا عايشين معاها وكان بيوصلنا كلامهم وتعجباتهم لكن احنا مش بنفكر في حاجه احنا عايشين اللحظه ونسينا الي فات ومش بنفكر في الي جاي
بعد اسبوعين لقينا جوز نسمه لم هدومه في شنط وقال لبنتي ان عنده موءتممر في فرنسا.. كام يوم وهيرجع .. وقال لها بعد كده هجهز لك الاوراق بتاعتك علشان لما اكون مسافر مكان تيجي معايا
المهم انه سافر وسابنا عايشين في القصر زي محڼا
نمنا وصحينا تاني يوم لقينا القصر فاضي مفيش ولا خدم ولا طباخين ولا جنايني ولا بواب .. قولنا عادي يمكن اداهم اجازه وهو مسافر .. وفضلنا عايشين ناكل ونشرب وننام في القصر وكل حاجه موجوده 
وفات اسبوع علي سفر جوز بنتي
وصحينا في يوم علي جرس الباب
جوزي نزل يفتح لقيواحد بيقول له لاموءاخذه يابيه لازم نستلم القصر