روح حمزة

الحلقة الأولى
_هو انا مش قولت مية مره مش عايز حد معايا هنا اتفضلوا امشوا كلكم لو سمحتوا وسبوني في حالي.
الام يا ابني حرام عليك كفايه بقي انت ليه بتعمل في نفسك كدا انا نفسي اشوفك كويس ريح قلبي بالله عليك يا شيخ.
حمزة انتي اللي ارحمي نفسك وبطلي تيجي لانك مش هتستفيدي حاجه. اتفضلي بقي خدي الدكتور دا معاك ومن غير مطرود.

الام طيب حاضر بس عشان خاطري خلي الممرضة دي تفضل معاك واوعدك اني مش هاجي تاني وهسيبك علي راحتك.
حمزة پغضب انتي مفيش فايدة فيك. تمام خليها يا ماما بس لو هي مشيت انا مش مسؤال.
الام بابتسامه حزينه ماشي انا موافقه ومتاكده انها مش هتمشي.
حمزة بخبث هنشوف هنشوف يلا اتفضلوا بقي كفايه كدا.
مشيت ام حمزة وسبتني في البيت الكبير دا لوحدي هو انا ينفع اطلع عيلة وامشي ربنا يعدي الفترة دي علي خير. قربت علي الاوضة وخدت نفس ودخلت وانا مړعوپة.
احم احم دا معاد الحقنه بتاعتك يا حمزة بيه.
حمزة امشي اطلعي بره انا بعرف اخدها لوحدي وانا بديكي فرصة اهو لو عايزة تمشي امشي ودا احسن ليكي.
حضرتك انا هنا عشان اهتم بيك فلو سمحت خليني اديك الحقنه.
حمزة قام پغضب وكان هيقع لانه اعمي جريت عليه پخوف بس هو زقني وزعق ابعدي عني انتي اټجننتي. انا مش عاجز وبعرف اخلي بالي من نفسي كويس يا
روح اسمي روح ومحدش قال انك عاجز بس كلنا اوقات بنكون محتاجين مساعده ودا مش عيب بالعكس اننا نعترف بالاحتياج دا منتهي القوة.
حمزة بتريقة لا شكلك حفظه كويس اي انتي واخده فلوس كتير شكلك طب بقولك اي متيجي وهديكي ضعف اللي انتي واخده من ماما.
روح پغضب انت اټجننت ازاي تتكلم مع بنت كدا. اتفضل اقعد كدا انا لولا فضل مامتك عليا كان زماني مشيت وسبتك بس انا هستحملك لحد ما ارد الجميل واوع تفكر تغلط فيا تاني انت فاهم يا شبح.
حمزة كان مصډوم من جراءتها وانها ازاي تتكلم معه كدا ودي اول بنت تعلي صوتها عليه مفقش لنفسه غير وهي بتقول انا اديتك الحقنه تقدر ترتاح لحد ما العشاء يبقي جاهز.
سبته وخرجت بس سمعت صوته اوعي تفكري تيجي الاوضة دي تاني لاني ساعتها مش هرحمك يا بتاعة انتي.
روح قولتلك اسمي روح مش هقول تاني وساعه بالكتير والعشاء يكون جاهز.
حمزة قعد ومسك تلفونه وطلب صديقه ودراعه اليمين وطلب منه معلومات عني من ساعه ما اتولدت وقفل وهو بيرجع ضهره لوراء وبيقول في نفسه انا اي اللي بيحصلي ازاي سكتلها كدا ليه حاسس اني اعرفه صوتها مش غريب عليا خالص ياتري اي حكايتك يا ست روح وازاي ماما واثقه فيكي كدا.
عدي الوقت بسرعه وانا غيرت هدومي وكنت واقفه بسرح شعري بس فجاه صړخت من اللي شوفته حمزة سمع صوتي وحاس بالخۏف علي حد لاول مره وبقي يمشي جانب الحيط عشان يوصلي بي اي شكل واول ما وصل عندي جريت في خوف وهو بيطبط عليا. كانت اول مره احس بالامان بالشكل دا.
حمزة اهدي وفهميني في اي وليه صړختي بالشكل دا.
روح اصل اصل..
ياتري اي حصل واي حكاية حمزة وروح..
يتبع
الحلقة الثانية
حمزة پغضب اصل اي متنطقي كنتي پتصرخي كدا ليه شوفتي عفريت ولا اي
روح وهي بتبعد عنه لا بس اصلي شوفت فار وانا بخاف منهم اوي انت متعرفش اللي حصلي سكتت روح پخوف.
حمزة سكتي ليه كملي اي اللي حصلك.
روح ولا حاجه اتفضل خلينا ننزل عشان العشاء وعشان تاخد بقيت علاجك بس هو انت عرفت تطلع ليا ازاي.
حمزة پغضب مش معني اني اعمي اني مش هعرف اتحرك في بيتي انا حافظ كل شبر هنا وبعدين دي حاجه متخصكيش يلا انزلي ورايا.
روح طب استني اساعدك.
حمزة هو انتي مش بتسمعي يا بت انتي.
روح انت مغرور كدا علي اي بلا نيلة ولا هو عشان عيونك خضرا يعني هتعيش الدور علينا.
حمزة برفعة حاجب انتي بتقولي اي يا بت انتي بطلي برطمه ويلا ورايا.
ولسه حمزة هيتحرك اتكعبل في السجادة وكان هيقع بس روح لحقته وسندته.
روح مش قولتلك سبني اساعدك اهو كانت هتبقي عينيك ورجلك كمان بطل عناد بقي وخلينا ننزل.
حمزة اتعصب
وزق ايديها ونزل لوحده وهي نفخت بديق اللهم طولك يا روح. ماشي يا عم حمزة لما نشوف اخرتها معاك اي.
نزلت روح وراه وقعدوا علي السفرة والاكل اتحط وقبل ما يمشي الطباخ وقفه حمزة.
حمزة انت تقدر تاخد اجازة شهر ومتقلقش المرتب بتاعك هيوصلك.
روح انت بتقول اي امال مين هيعمل الاكل ان شاء الله.
حمزة بخبث امال انتي بتعملي اي هنا. من هنا ورايح انتي مسؤالة عن البيت جانب علاجي يا حلوة.
روح پغضب انت فاكر انك كدا هطفشني دا بي عينيك يا حمزة ويانا يانت بقي.
حمزة هنشوف يلا كولي واغسلي المواعين وتعالي ورايا الاوضة.
في بيت ام حمزة
نادر سمعت انك كنتي عند حمزة النهارده يا ماما وجبتيله ممرضة جديده.
الام وفيها اي دي يا نادر ما انا علي طول بروحله وبجبله ممرضة.
نادر ودايما الباشا بتاعك بيطفشها ومش بتكمل يومين معرفش ليه انتي مصممه تتعبي نفسك.
الام بس المرادي انا واثقه انها هتعامر معه متشغلش بالك انت وركز في الشغل وبس.
نادر بخبث شكلي هعمل زيارة لاخويا الكبير قريب اوي.
الام بتقول حاجه يا نادر.
نادر لا مستغناش يا ست الكل انا هطلع اوضتي بقي.
عند حمزة وروح
روح خلصت المواعين وهي بتكلم نفسها بقي انا روح بعد كل التعليم والشهادات دي اشتغل خدامه ماشي يا حمزة يا ابن ام حمزة.
راحت روح اوضة حمزة ودخلت من غير ما تخبط لاقيته واقف عند الشباك  قربت منه وهي متعصبة.
حمزة بقولك اي انا مش بحب حد يديني اؤامر انا حر اعمل اللي عايزاه انتي هنا خدامه مش اكتر.
روح بس انا مش خدامه انا ممرضة وواجبي احافظ علي صحتك وامنعك من اللي يضرك.
حمزة بضحك بقولك اي تعالي معايا وبلاش كلام فاضي اهو نتسلي شوية.
روح انا مش هرد عليك اتفضل علاجك اهو واعمل اللي انت عايزوا.
حمزة في لحظه قرب منها .
روح بتوتر انت بتعمل اي ابعد عني مينفعش كدا.
حمزة ولو مبعدتش يعني هتعملي اي.
روح هصوت وهلم عليك الناس.
حمزة انتي مش واخده بالك ان الفيلا في حته مقطوعة ولا اي يا عسل.
روح پخوف حمزة بالله عليك ابعدي عني مينفعش اللي بتعمله دا ارجوك.
حمزة سابها وهو بيقول قدامك اخر فرصة تسيبي الفيلا وتمشي احسن ليكي.
روح بعناد لا مش همشي ووريني هتعرف تعمل اي.
وكانت روح بتجري وقبل ما تخبط في الترابيزة صړخ حمزة حاسبي يا روح.
وقفت روح وبصتله پصدمة..
يتبع
الحلقة الثالثة
روح هو انت بتشوف ولا اي يا جدع انت.
حمزة باستغراب انتي عبيطه يا بت ولا اي انا بحذرك اهو وبقولك حاسبي علي كلامك معايا.
روح بغباء وانا اللي افتكرتك بتقولي حاسبي عشان كنت هتخبط في الترابيزة غبيه ازاي هتعرف اني كنت هتخبط اصلا.
حمزة بقولك اي غوري من وشي انا معرفش امي جبتك منين.
روح بقولك اي ما اروح اعمل كوبايتين شاي ونقعد مع بعض وتحكيلي حكايتك يا اخ انت.
حمزة پغضب انتي اټجننتي اوعي تنسي نفسك..
قطعته روح عارفه عارفه انا مجرد خدامه هنا مش دا اللي هتقوله عمتا انا اصلا مش ھموت واقعد معاك انا هطلع انام عيل رخم.
حمزة بعد ما خرجت روح انا معرفش اي المجنونه اللي امي جبتها ليا دي صبرني يا رب.
روح طلعت اوضتها وغيرت ونامت وحمزة رجع وقف عند الشباك وهو بيتنهد بحزن معرفش ليه صوتها بيلغبطني بالشكل دا انا هدخل انام احسن انا كمان.
تاني يوم صحيت روح ولبست ونزلت المطبخ وهي واقفه ومش عارفه تعمل اي طب ياربي هعمل اي دلوقتي انا مش بعرف اعمل اي حاجه في المطبخ ربنا يسامحك يا حمزة يا ابن ام حمزة طب احطله واخلص منه دا ولا اعمل اي.
حمزة وهو واقف عند الباب هو انتي جايه تعالجيني ولا جايه تخلصي مني يا هانم.
روح بخضه انت بتطلع منين يا عم انت انا والله بداءت اشك فيك.
حمزة وهو بيقرب عليها وهي حاسه انه شايفها كويس اوي دا بيتي وقولتلك اقدر اتحرك فيه براحتي. ودلوقتي انا عايز اكل وحالا.
روح ابعد عني شوية بس كدا عشان النفس بص بصراحه كدا انا مش بعرف اعمل اي اكل
فانت رجع الطباخ او اطلب دليفري بقي.
حمزة بقي في انسة مبتعرفش تطبخ ماشي انا هقولك تعملي اي وانتي نفذي.
روح اوبا بقي انت كمان بتعرف تطبخ لا خلاص انا زوجتك نفسي.
حمزة انتي بتقولي اي يا مجنونه انتي.
روح بكسوف بقول انجز وقولي اعمل اي وانجز لان انا كمان جعانه اوي والجوع غلط علي انسة زيي.
حمزة بابتسامه طب يلا يا اخرة صبري.
روح بحب ما احنا طلعنا بنعرف نبتسم اهو يا عم فكها بقي تعبتني معاك.
حمزة بتكشيرة علي فكرة انا ممكن اطلب لنفسي اكل واسيبك ټموتي من الجوع فالاحسن ليكي تشتغلي من غير صوت.
روح مستفز وربنا.
عند نادر في النادي كان قاعد مع صاحبه وبعد شوية قربت بنت عليه بدلع
سالي اي يا نادر مالك مختفي بالك يومين يعني.
نادر عادي يعني يا سالي في حاجه ولا اي.
سالي ايوة طبعا في انت وحشتني اوي يا نادر انت ناوي تيجي تكلم بابا امتا.
نادر بتوتر قريب قريب انا لازم امشي دلوقتي.
سالي بحزن تمشي تروح فين انت لسه جاي وبعدين انت اي اللي مغيرك اوي كدا.
نادر سالي انا مش فايق لدلعك دا اعقلي كدا يا حبيبتي.
سالي ماشي يا نادر بس اوع تفكر تخلف وعدك ليا انا سالي ها اوع تنسي دا.
نادر وانتي متنسيش اني نادر واني مبتهددش يا حلوة يلا انا همشي.
قام مراد يمشي وشادي صحبه مشي وراه وساعتها سالي قالت انا عملت المستحيل عشان تكون ليا ومستحيل اسيبك لغيري يا نادر ولو طلعت پتخوني هتبقي انت الجاني علي نفسك.
شادي وهو بيجري وراه نادر يا ابني استني في اي انت مستعجل كدا ليه اي اللي حصلك.
نادر انا مش فاضي يا شادي ورايا مشوار مهم.
شادي باستغراب مشوار اي دا.
نادر بخبث لازم اروح ازور اخويا اصله وحشني اوي.
وقبل ما شادي يتكلم نادر مشي بعربيته بسرعه.
عند روح وحمزة بعد ما روح خلصت كل الاكل وبقي شكلها مسخره خالص
روح اه يانا ياما بقي انا تعمل فيا كدا منك لله يا حمزة.
حمزة في اي اوعي تكوني عملتي حاجه غلط.
روح لا طبعا دا انا شاطرة واعجبك هطلع بس