قلوب تائهة الفصل التاسع عشر

الي رجعلنا ده .. ليعوض بذاكرته لذلك اليوم وهو يتذكر
يابكر يلا ياولدي انت واخوك خلصوا سقيان الارض عشان الشمس قربت تغرب ليلتف الي ذلك الصوت وهو يقول
الحاج منصور!
منصور بأرتباك خير يابيه في حاجه
أدهم مافيش حاجه متقلقش بس كنت عايزك في موضوع كده بخصوص الانسه مريم بنت اخوك 
منصور مريم مين .. ليتذكر قليلاا اه بنت اخوي عبدالله الي في القاهره 
ادهم بهمس هو حتي ناسي ان ليه بنت اخ .. ما علينا
ممكن بس نقعد في مكان كده عشان نتكلم ياحج
منصور اتفضل علي الدار بتاعتنا هي مش بعيد يابيه 
ليتطلع له متفحصا بس انت شكلك مش من هنا يابيه
انت بتشتغل ايه صحيح ليقترب منه احد ابنائه مين ده يا بوي
منصور مش عارف ياولدي اتفضل يابيه نورت معلش الدار مش قد كده
أدهم بهدوء وهو يجلس علي احد الارائك الباليه انا زي ماقولتلك ياحج انا جاي بخصوص بنت اخوك مريم انا طالب ايديها منك وياريت يكون في اسرع وقت 
منصور بفرحه هو انا اقدر اقول حاجه يابيه بس يابيه ليكون انت متلخبط بين مريم بنت اخوي او واحده تانيه
ادهم لاء متقلقش ياحج انا طالب ايد مريم عبدالله حسن
وحضرتك منصور حسن 
ليقف عقله قليلاا عند هذا الاسم ولكن سريعاا ما ينسي مايدور في عقله لينفض تلك الافكار من رأسه
منصور بسعاده متشرفتش بمعرفتك ياولدي
ادهم انا أدهم عزت شوكت
لينتفض منصور من مجلسه .. وهو يقول مين
ادهم بشك مالك ياحج
منصور بهدوء مافيش يابني بس اسمك كده فيه هيبه 
ادهم هو انت من الصعيد
منصور پخوف ايوه ياولدي ده اصلناا ليقف من مجلسه تحب تشرب ايه
ادهم ولا حاجه ياحج منصور معلش بس احنا لازم نتفق علي كل حاجه وتنزل معايا مصر عشان اجرائات الجواز وانا تحت امرك
ليعتدل منصور في جلسته وبصوت هامس يااا ياولد عزت ياا علي الزمن .. ليتطلع اليه وهو يقول انت طبعا هتاخد بنت اخوي الي زي بناتي وطبعا لازم اضمن حقهاا وبما اني عمهااا وولي امرهاا نبقي نتفق وانت طبعاا باين عليكي متفرقش معاك الفلوس واصل
أدهم بسخريه اتفضل ياحج قول الي انت عايزه
ليفيق من شرودهه علي صوت عزت وهو يقول ادي عقد مزرعة كفر الشيخ بكره عايزك تروح بيت مريم وتحط العقد فيه
ليتطلع اليه منصور وبنبره طامعه والمقابل ياعزت باشا أظن أنا واقف معاك قصاد بنت أخوي اليتيمه الي المفروض انت كمان تحميها وتفرح بجوازتها من والدك
عزت بسخريه بلاش يامنصور تقف قصادي وتكلمني بلي يصح وميصحش وأظن انك يوم ماجتلي عشان تبلغني خبر جواز بنت أخوك وابني انا رجعتلك الارض وبيتك مع انك جيت بعد ماخلاص بنت عبدالله بقيت مرات أبني
منصور فرصه وجتلي لحد عندي أسيبها وسبحان الله أبنك لأخر لحظه مكنش عارف وكأن ربنا وقف عقله عن كل الكلام الغلط الي أتهمت بيه اخوي عشان الخير الي حرمت عبدالله يعيش فيه بنته جت وعاشت فيه لاء وكمان تتجوز أدهم أبنك الي كل حاجه تحت أيدهه حتي انت
عزت پحده حق ايه الي اخوك ليه عندي أنت ناسي ان كل الاملاك ديه بتاعتي انا وبس 
منصور بتهكم بس شوكت باشا كان مخليه وريث زيك في حق امه ولا انت ناسي سميه هانم مرات ابوي وابوك الله يرحمهم
عزت پحده منصور كل الدفاتر القديمه اتمسحت وعبدالله ماټ ودلوقتي بنت أخوك لازم تبعد عن ابني فاهم
ومش هعيدها تاني اوعي تفكر في يوم تقف قدامي
منصور بضحك متخافش ياعزت باشا انا المهم عندي مصلحتي ... وزي ما أتفقنا