بقلم سهيلة سعيد
يتخانقوا مع صحاب هيثم والدنيا تولع تسمع فاطمة الصوت تطلع البلكونة هي وامها واختها يتفرجوا
اسراء يلهوي هو في ايه
فاطمة مش عارفة
الام مش دة الولا شهاب !
اسراء شكل هو الي پيتخانق
تتخض فاطمة ف بيت شهاب تدخل ام شهاب م البلكونة
الام يلهوي يلهوي ابني
تلبس طرحتها وتنزل م البيت
فاطمة احيه ايه الي نزل امه !!!!
تحاول الناس تفض الخناقة متعرفش
الام ب تعب اااااه ي شهااااب
فاطمة احيه الست هتقع من طولها
تجري فاطمة
الام ب
انفعال خدي هنا رايحة فيييين
تنزل فاطمة تجري ع عمارة شهاب تكون امه قعدت ف الارض م التعب تقرب فاطمة تسندها
الام ااااه ابني
فاطمة قومي عشان خاطري هو هيبقا كويس قومي
تقومها فاطمة يغمى عليها وتقع ف الارض
فاطمة يلهوي
تلمح فاطمة هند واقفة بعيد بتتفرج ع الخناقة
فاطمة ب صوت عالي هند هاااااااااند
تسمعها هند تقرب عليها
هند يلهوي مالها !!!!!
فاطمة اغمى عليها اسنديها معايا
هند هاتي اي برفان نفوقها
تجري فاطمة ع اوضة تاخد برفان وتقرب ترشه ع ايدها وتفوق ام شهاب
الام ابني .. ابني فين
فاطمة طالع متقلقيش انتي .. هروح ابص
تطلع البلكونة تلاقي الناس فضوا الخناقة بس مش شايفة شهاب تلمح خليل
فاطمة خليل .. خليييييل
فاطمة فين شهاب
خليل ف القسم
فاطمة ب خضة يلهوي
تدخل فاطمة
هند ايه
فاطمة فضوا الخناقة متقلقيش وهو كويس بس قاعد مع ناس عشان الي حصل وكدة
الام يارب .. استرها يارب .. اټخانق مع مين بس .. دايما واجع قلبي كدة
هند تبص ل فاطمة فاطمة تشاورلها ب لأ تفهم ان في حاجة
الام بايتين عند جدهم وابوهم معاهم دة لو عرف انه متخانق هيطين عيشتنا
فاطمة مش هيعرف ان شاء الله كويس انهم بايتين برة
الام شكرا ي فاطمة انك لحقتيني الاهي م اشوف فيكي حاجة وحشة ابدا ي بنتي
هند ومفيش شكرا ليا ولا ايه م انا شيلتك معاها
الام ليكوا انتوا الاتنين ولا تزعلي
فاطمة ا .........
يدخل عصام
عصام انتي كويسة يما سمعت انك اغمى عليكي
الام اه ي عصام من خضتي
عصام متقلقيش هو هيطلع بالكتير بكرة مش هيقعد ف القسم اكتر من كدة
الام ب خضة قسم
فاطمة ف سرها يخربيت غبائك
الام قسم ايه هو اتمسك
عصام اه الحكومة جت لمت كلوا انا لولا اني لسة عارف كان زماني معاهم
الام يلهوي يلهوي يلهوي
فاطمة اهدي بس
الام اهدى ايه الولا ضاع .. ابني ضاع
عصام مټخافيش يما انا رايحله دلوقتي ومش هسيبوا قلت اطمن عليكي بس الاول
الام خليك معاه والنبي ي عصام
عصام حاضر
يمشي عصام تحط الام ايدها ع وشها وټعيط
هند يلا بقا
فاطمة امشي انتي
هند مش هتروحي !
فاطمة لا روحي انتي انا هقعد مع ام شهاب
هند طيب ي حنينة
تقوم هند تمشي ترجع بيتهم
الام فين اختك
هند قاعدة مع ام شهاب تواسيها
الام ليه فين بناتها
هند مش هنا ولا بناتها ولا جوزها بايتين برة
ف بيت شهاب
فاطمة عشان خاطري كفياكي عياط دة ممسوك ف خناقة مش چريمة قتل !!!
الام كفاية مرمطة الاقسام والاھانة الي بيهنوها المغبرين للشباب .. انا ابني مش حمل اهانة ولا مرمطة
تضايق فاطمة وتحس بالزنب جوة القسم واقف شهاب ومتكلبش ف مغبر وايده ملفوفة متعورة
شهاب وهو ماسك ولاعة ۏلع يبو عمو
المغبر حبيبي
يولعله السېجارة ويولع لنفسه
المغبر عالي الصنف دة اسمه ايه
شهاب ٣ خمسات
المغبر كام !
شهاب قفلهم عشرين متزعلش
المغبر ان ..........
يقرب الظابط
المغبر ب خضة اطفي اطفي
يرموا السجاير ف الارض
المغبر باشااا
يدخل الظابط مكتبه
شهاب ادخل بقا خلصنا م الحوار دة انا مش هبات هنا والا تنسى الليلة الي وعدتك بيها
مغبر ي عم بس خلصانة متقلقش
شهاب اما نشوف
يعدي الوقت ف بيت شهاب فاطمة قاعدة مع امه ف اوضتها
فاطمة انتى ليكي علاج صح
الام اه
فاطمة طب قوليلي علاجك فين
الام ع الترابيزة دي
فاطمة تجيبلها العلاج وماية وتديهولها
فاطمة بالشفا
الام كتر خيرك ي حببتي
فاطمة متزعليش بقا
الام انا منبهة عليه مليون مرة بلاش المشاكل مفيش سمعان كلام .. هنعمل ايه .. أدي الله وأدي حكمته
فاطمة تناميلك حبة طيب
الام هيجيلي نوم ازاي بس وهو محپوس
فاطمة طب اجيبلك حاجة تاكليها عشان العلاج دة
الام لا ي بنتي ماليش نفس .. لو فيها رزالة تعمليلي بس كباية شاي احسن دماغي ھتنفجر
فاطمة عنيا يما حاضر
الحلقة الثامنة ٨
تقوم فاطمة تدخل المطبخ يتفتح باب البيت ويدخل شهاب ع اوضة امه
الام ي حبيبي
تاخده ف حضنها
الام كدة تقلقني عليك ي شهاب
شهاب حقك عليا والله
يبوس ايدها
الام لولا فاطمة بت ام هند كان زماني مت م القلق عليك
شهاب مالها فاطمة !!!
الام اغمى عليا تحت وطلعتني البيت هي واختها وفضلت هي معايا لحد دلوقتى وادتنى علاجي
شهاب هي مشيت ولا هنا
الام اه ف المطبخ .. اتشكرها بقا ع الي عملته
يقوم شهاب يقرب ع المطبخ
شهاب خليهم كوبايتين
فاطمة ب خضة احيه خضتني
شهاب سلامتك
فاطمة طلعت امتى !!
شهاب لسة حالا
فاطمة حمدالله ع السلامة
شهاب الله يسلمك .. شكرا ع الي عملتيه مع امي
فاطمة ع ايه يعني دي زي امي
شهاب جديدة زي امي دي
فاطمة وهي بتصب الشاي ميبقاش قلبك اسود
شهاب بجد شكرا
فاطمة العفو
تاخد الشاي وتدخل عند امه
الام تسلم ايدك
فاطمة بالهنا .. هنزل انا بقا طلاما شهاب جه
الام ماشي ي حببتي
تطلع فاطمة م الاوضة
شهاب هوصلها واجي
يروح وراها
شهاب اصبري
تبصله
شهاب هغسل ايدي واجي اوصلك
فاطمة مفيش داعي انا قريبة
شهاب معلش اصبري
يدخل التواليت يفك ايده المتعورة ويغسلها تشوفه فاطمة
فاطمة مينفعش الي عملته دة لازم تغير عليها ف الصيدلية
شهاب بسيطة مش مستاهلة
فاطمة اسمع الكلام طيب
شهاب وهو بينشف ايده طيب هغير وانا نازل
تنزل فاطمة ووراها شهاب يدخلوا عمارتها
فاطمة هو انت ليه اتخانقت
شهاب واحد فاضي
فاطمة بتكلم جد
شهاب عشان محدش يقدر يمس منك شعرة او حتى يبصلك
فاطمة اتخانقت مع هيثم
شهاب لبستهولك المستشفى
فاطمة طب ليه كدة !!!!!
شهاب زعلانة عليه !!!!
فاطمة ليه كدة اذيت نفسك انا مقلتلكش دافع عني
شهاب انا مدافعتش عنك .. انا دافعت عن نفسي
فاطمة يعني عشان شكلك انت !!!
شهاب شكلي قدام مين بالظبط قدامك ولا قدامه
فاطمة قدام نفسك انك متبقاش شايل زنبي
شهاب بصي انا هقولك كلمتين .. انا طلاما شايف نفسي صح مبيهمنيش لو الدنيا دي كلها ولعت ف بعض بسببي .. انا مغلطش ف حقك ولا كل الي حصلك دة كان بسببي .. هو عاوز منك حاجة وعشان الي زيه ابن كلب ژبالة حطني ف الصورة عشان يستفزك ال كدة يعني هتبقي معاه .. انا
عملت كدة عشان مستحملتش عليكي كلمة وحشة منه وهي غلط ف حقك .. ي ستي اعتبريها عيش وملح الجيرة واني اصيل عنكم
فاطمة يعنى عملت كدة عشاني !!!
شهاب ب ابتسامة مشيها عشانك
يسيبها ويمشي تفضل بصاله لحد م يختفي من قدامها تطلع بيتها يقرب شهاب ع عصام واقف ياخده ويروحوا الصيدلية يغير ع ايده تدخل فاطمة البيت
الام ايه
فاطمة رجع شهاب
هند هو لحق !!!!
فاطمة معرفش بس جه
تدخل اوضتها
اسراء مالها دي !!!
الام يلا قوموا ناموا وراكوا اشغال
بعد شوية شهاب ف اوضته بيتكلم ف الفون
شهاب عقبال م يجبسوله رقبته ان شاء الله
عصام مش عارف انت بتتدخل ف مشاكل متخصكش !!!
شهاب انت اهبل يلا مهو الي مدخلني م
