ومضة
أنا مش حرامية ولا ڼصابة ولا بأكل حق حد.
حد الله بيني وبين الحړام.
رائف بتصفيق_
اللهم قوي إيمانك ياشيخة وعد.
بغض النظر إنك عيل مايع ومش لايق عليك الشويتين دول بس مش أزمة هغصب على نفسي.
رائف بتساؤل_
لا نفهم تغصبي على نفسك إيه يا هانم.
أنا هانم ڠصب عن أنف الحاقدين وعن أنف عيلتك كلها.. كلمة تانية هخلي حد يوصلك الاسكندرية على نقاله..
عايز افهم.
كدا تبقى ابتديت تقرأني.. وتبقى شاطر وتاخد نجمة.
رائف بتأفف
خلصنا من المزرعة دخلنا في المدرسة.
بص ياكتكوت انت زي الشاطر كدا هتحكي لي ايه اللي جابك من إسكندرية لحد هنا
وإشمعنا المكتبة دي بالذات.
وكمان المعلومة اللي رميتها في النص إن جدك كان يبلغ أربع سنوات لما تأسست.
وكمان تجاوبني هتاخد المكتبة تعمل ايه بيها.
والرقم القومي محتاجاه
هتحتاجه انت لما هفتفت عضمك واعملهم شوربة وميعرفوش لك هوية.
رائف بضحك
حلو خفة دمك.
تشكر ياكتكوت مبحبش التلوين والمياعة أرغي.
رائف بجدية
بصي يا وعد احتراما لوصية جدي _ رحمه الله _ أنا هحكيلك كل حاجة
جدك! دا الموضوع كبير.
رائف بحزن
جدي أتوفي من سبع شهور قبل ما ېموت حكالي عن منتصر الجزار.
رائف بجدية
جدك وجدي أصحاب من أيام الطفولة وللأسف بسبب خلاف بسيط حصل بين العائلتين زمان منعوهم من الاختلاط ومنعوا صداقتهم والمكان الوحيد اللي كان بيجمعهم هو المكتبة بسبب حب جدك منتصر وجدي للمكتبة جدي قبل ما ېموت وصاني إني أكمل المشروع في المكتبة وحكالي إن ليها فتره مقفولة.. بس مكنتش متخيل إن ليها عشر سنين من وقت ۏفاة جدك.. لان المكتبة مفيهاش كمية التراب اللي تخليك تحس إنها مقفولة ليها عشر سنين.
رائف_
ممكن يكون دا السبب.
كل كلامي ممكن يصدق عليه جدك صادق.
الله يا سلام دا انت كمان عارف جدي صادق.
رائف بثقة
وهو عارف حكاية العيلتين.
بس انا جدي صادق وكمان جدي منتصر الله يرحمه محدش حكى لي حاجة عن جدك.
رائف
معنديش إجابة لسؤالك بس أكيد اللي عنده إجابة جدك صادق.
ايه هو حلم عمرك أكيد عامل دراسة جدوى لده
رائف بهدوء
معايا نسخة منها في العربية.
جاي بعربية تاني مش كفاية بتاعت الصبح
رائف
كريم متكتف في إسكندريه دلوقت مش هيعرف ېحرق حاجة تاني وبعدين كان فاكر إنها العربيه بتاعتك.
حلو نقفل المكتبة وأخد فكره عنها وتوصلني لجدو صادق يحكي لي كلامك ده صح ولا غلط.
