الفنان سعد الصغير بيحكي

الفنان سعد الصغير بيحكي عن موقف حصل بينو وبين والدته
بيحكي وبيقول
أنا أمي فضلت تسرقني سنة .. اجي من الشغل اعلق البنطلون و يكون في جيبي مثلا ٢٠٠٠ جنيه تروح أمي سارقه ١٠٠٠ جنية.
فمن حبي فيها سيبتها و مرضيتش أغير مكان البنطلون و سيبتها تأخد اللي هي عايزاه لمدة سنة بس كنت زعلان بقا و أقول لنفسي بقا أنا أمي طلعت حرامية

يا نهار ازرق دا أنا كنت بحبك أوي ياما و قعدت اعيط فأمي تقولي مالك ياض 
أمي كانت لما تقولي يبن الكذا هي كدا بتدلعني فاقولها مفيش حاجه ياما
و قعدت سنة أمي بتسرقني و كنت بحطلها البنطلون اللي فيه الفلوس عشان تسرقني من حبي فيها
وأنا كنت حياتي دمار في السنة دي عشان فاكر بقا اني أمي حراميه
اتاري الموضوع طلع ايه
إحنا كان عندنا بنك في شارع الائتمان ففي يوم قالتلي تعالى معايا البنك قولتلها بنك ايه انتي لاقيه تاكلي
روحنا البنك فطلعت أمي كانت بتأخد الفلوس دي تحوشلي عشان تشتريلي أتوبيس للفرقه بتاعتي و فعلا اشترتلي اتوبيس فقولتلها ياه ياما انا كنت فاكرك
حرامية قالتلي ملكش دعوة بفلوس الأتوبيس ده يا سعد و فعلا جابتلي ٣ أتوبيسات كمان..
الله يرحمك ياما