مكتوبه علي اسمي الفصل 40
انت في الصفحة 1 من 4 صفحات
نسخ القصه دي الحلقة_40
مكتوبة_على_إسمي
بقلمي_ملك_إبراهيم
قولي عايز منها ايه واللي انت عايزه هيحصل.
صاحب الشركة قعد براحة علي مكتبه وقال عايز شركة الجارحى تقع وشغلهم كله يتعطل واسمهم يبقى في الارض .. الفرصه دي مش هتتعوض تاني يا علاء.
علاء قام وقف وقال بثقة اعتبر مرات عامر الجارحى في ايديك.
صاحب الشركة ابتسم بثقة وعلاء خرج من الشركة واتحرك على شركة الجارحى.
آيات كانت قاعدة في مكتب عامر لكنها لسه رافضة تقعد مكانه وحاطه مقعد جنب مقعد عامر وقدامها عدد من المهندسين ومستشارين رشحهم لها امجد بيساعدوها في إدارة الشركة.
كانت بتسمع اقتراحتهم وبتتناقش معاهم بجدية وتركيز.
هاجر كانت واقفه جنبها في الاجتماع وبتسجل كل الاقتراحات المهمة اللي بيتفقوا عليها.
آيات بصت قدامها بحزن وهي بتفكر في عامر وقالت تعرفي ان رغم كل ده كنت بحس ان مفيش حاجة في حياة عامر غيري.. لما كنت شغاله في شركة اخوكي كان بيجي يوصلني ويروحني...
هاجر قربت منها وطبطبت على كتفها وقالت ان شاء الله هيرجع يا آيات.. مش المحامي طمنك.
آيات پبكاء بيطمني بالكلام بس يا هاجر والايام بتعدي ومفيش اخبار عن عامر.. انا خاېفه عليه اوي ومش قادرة حتى اعبر عن خۏفي.. الكل بيطلب مني اني اكون قويه وانا من جوايا حاسه اني ضعيفه من غير عامر.
الاتنين قعدوا جنب بعض كل واحدة تفكر في حبيبها بحزن.
السكرتيرة دخلت واتكلمت مع آيات مدام آيات في شخص برا عايز يقابل حضرتك وبيقول ان حضرتك تعرفيه!
آيات بصتلها بدهشة اسمه ايه الشخص ده
السكرتيرة رافض يقول اسمه وبيقول انه معرفة قديمة.
ردت آيات بدهشة تفتكري يكونوا عرفوا حاجة عن اللي حصل.. انا كنت عايزة اكلمهم واطلب من عمي يجي ويكون معايا هنا بس لما طنط ميسرة طردت جوزها وامجد ساعدني في إدارة الشركة مرضتش اكلمه واتعبه معايا.
هاجر خلاص خليه يدخل ونشوف مين.
دخل علاء برائحة برفانه القوية اللي كان قاصد يزودها عشان يجذب انتباه آيات ليه لكن اللي حصل العكس وآيات معدتها وجعتها اول لما شمت ريحة برفانه القوية وبصتله بشمئزاز وقالت مين حضرتك
علاء اتفاجئ من تعبير وشها إللي بتعبر عن الاشمئزاز وهي بتبصله وشم لبسه وقال هو البرفان بتاعي ريحته وحشه ولا ايه
هاجر اخدت منديل وحطته على انفها وهي بتكح جامد وقالت لا ابدا احنا اللي عندنا حساسيه تقريبا.
علاء بص ل آيات وقالها بنبرة مرحة وهو بيبصلها بطريقة شايف انه بيقدر بيها يجذب البنات اكيد لسه فكراني صح
آيات كانت مستغربة طريقته وسألته بدهشة هو انا شوفت حضرتك قبل كده
علاء اټصدم انها مش فكراه وقال باحراج احمم.. انا.. انا اللي كنت قابلتك في.. في المؤتمر اللي كان الباشمهندس عامر ضيف شرف فيه.
آيات بصتله وافتكرته لما كان بيعاكسها في المؤتمر وقالت بنبرة قوية خير حضرتك ليك شغل هنا
علاء اټصدم اكتر من نبرتها القويه وقال باحراج انتي مش فكراني ولا ايه
آيات بنبرة اقوي عايزني افتكر ايه بالظبط وبعدين ايه
