يونس ورغد

ملابسة 
إيمان وهي تنظر لابنها أردفت مش ناوي تفرحني بيك يا حبيبي 
يامن وهو يضع الملعقة بملل تااااني يا ماما مش قولنا نقفل الموضوع دة 
إيمان نفسي افرح بيك وأشوف عيالك قبل ما أموت 
يامن وهو يقبل يد والدتة بعد الشړ عنك يا ست الكل حرام عليكي بقا ممكن منتكلمش ف الموضوع دة 
إيمان يا حبيبي دي سنه الحياة ريح قلبي وفرحني صدقني مش كل البنات زيها 
يامن بضيق كلهم واحد تفكيرهم أناني وأكمل بخذلان خدت ايه من الحب غير الۏجع والصدمة أنا مبسوط كده 
إيمان مش كل البنات زي رانيا يا يامن حاول تتخطاها هي متستا هلش توقف حياتك عشان واحدة زي دي .

يامن كلهم واحد نفس التفكير المتخلف ونهض من على الكرسي 
إيمان وهي تمسك يده رايح فين كمل أكلك 
يامن بإقتضاب شبعت عن إذنك
وتركها ودلف لغرفتة
إيمان بيأس منك لله يا رانيا على اللي عملتيه ف ابني 
ف غرفة يامن وهو يجلس على فراشه ويسرح بذاكرتة
يجلس يامن على البحر مع خطيبته رانيا 
رانيا مش هقدر أكمل معاك يا يامن معتقدش هنكون لبعض سنتين واحنا مخطوبين وحالي واقف بسببك وخلعت دبلتها وأكملت للصبر حدود مش هقدر أصبر أكتر من كده 
يامن پصدمة يعني ايه خلاص كده بس انا كنت صريح معاكي وعارفة ظروفي وأنتي تقبلتي ايه اللي غيرك هو ف حد جديد 
رانيا بصراحة أيوة أمجد 
يامن قولي كده مش ده ابن الجيران اللي رفضيته مرتين عشاني طيب وأنا 
رانيا بس الوضع اتغير أمجد مدير تنفيذي في شركة ...... في دبي عمل حاجات كتير في سنتين انت معملتهاش 
يامن بمقاطعة الصورة وصلت وألتقط الدبلة ونهض وأردف ببرود انتي حرة يا رانيا ومفيش أي علاقة تربطنا من النهاردة اثبت لي أنك مادية حقېرة يا خسارة السنتين اللي ضاعوا من عمري مع واحدة ذيك 
وتركها ورحل من أمامها
يقطع تفكيرة دخول والدتة أردفت بندم زعلت مني 
يامن وهو يعتدل ويبتسم بمجاملة مقدرش يا حبيبتي انا ازعل من الدنيا كلها وأنتي لا
إيمان أنت فاكر اني مش حاسة بيك وبوجعك عارفه أد ايه انت موجوع واتخذلت وعارفه كمان أن ضحكتك دي مزيفة مش من قلبك زي زمان مبسوط من برة بس ده مكسور
قالت ذلك وهي تشاور بيدها ناحية قلبه
يامن هو أنا وحش يا أمي 
إيمان مين قال كدة أنت سيد الرجاله وابني وسندي اللي ماليش غيرة أنت اللي باقي ليا من بعد أبوك الله يرحمه
مش يمكن يا حبيبي دة خير ليك ملاحظتش من بعد انفصالك عن رانيا اشتغلت على نفسك و ربنا فتحها ف وشك وبقيت من أشطر المصورين المعروفين مين هنا ف اسكندرية ميعرفكش يا حبيبي أنت فخر وشرف لكل اللي يعرفك بس الحياة يا ابني مش كلها شغل
خدها نصيحة من أمك مش كل شخص يدخل حياتنا يكون من نصيبنا أو يقعد معانا للأبد يا حبيبي دخول البشر ف حياتنا دروس في اللي داخل عشان يترك أثر حلو او وحش ويمشي وف اللي بيترك نصيحة وعبرة وف ناس تانية تدخل تعلمنا درس وتفتح عيونا على حاجات مش عارفينها كانت تايهه عننا الحياة تجارب سواء مواقف أو أشخاص . زي ما قابلت الۏحش هتقابل الحلو اللي شبهك
يامن خۏفي بقا أكتر من الاول انا مش عايز واحدة تحبني ولا تقرب مني عشان مشهور عايز واحدة تحبني لطبعي واحدة تحب يامن مش الفوتوجرافر يامن مش عايز واحدة تستغلني أو تقضي معايا وقت بمجرد تلاقي شخص أفضل مني تسبني وكمان مشاعري الحلوة كلها أ خدتها رانيا خاېف أحب تاني أظلمها معايا وأربطها بعقدي اللي هي مالهاش ذنب فيها أو أختار غلط للمرة التانية
إيمان كل بنت وليها تفكيرها ومعتقداتها مش كل البنات زي رانيا هو ف زيها بس في بنات كويسة انساها يا حبيبي رانيا مكانتش مناسبة ليك من الأول بالرغم من الخلافات اللي كانت بتحصل بينكم وكان ف إشارات تثبت انكم مختلفين بس حبك ليها كان مش مخليك شايف دة كنت متحملها بقرفها بسبب حبك ليها لغاية لم جت هي وصدمتك أنها تخلت عنك فوقت بعد فوات الأوان بس ربنا بيحب الخير لعبده يا يامن متخليش واحدة زي دي تعكر حياتك