قصه رائعه بقلم سولييه نصار
انت في الصفحة 1 من 6 صفحات
سكريبت بقلم سولييه نصار
انا مضربتكيش علي ايديكي يا حبيبتي !انتي اللي استسلمتي ليا بإرادتك ...أنا لا شربتك حاجة صفرا ...
بصيت عليها من تحت لفوق وقولت
اللي حصل دلوقتي كان بمزاجك وانتي كنتي مبسوطة اوووي بيه متنكريش ...
وشها بهت بعدين روحت اضبط القميص علي المرايا وقولت وانا ببصلها من المرايا وبقول
اه يا حقېر يا واطي ...
قالتها علا وهي بتصرخ فيا وقربت مني عشان تضربني بس مسكت ايديها وقولت
لا لا يا قلبي كده ازعل منك .عايزين الذكريات تبقي حلوة بيننا ...مش عايز اي دراما ...الموضوع بسيط احنا قضينا وقت لطيف مع بعض وكان كله بمزاجك ...
ك...كنت فاكرة انك بتحبني ...فاكرة انك هتتجوزني .انت اللي زنيت عشان اعمل كده انت خدعتني ...
بعدين راحت وركعت علي ركبتها وهي بتمسك رجلي وقالت
امجد ابوس ايديك متعملش كده صدقني أنا ھموت فيها ...اهلي ممكن ېقتلوني ...استر عليا واتجوزني ولو حتي يوم واحد بس وانا مش عايزة حاجة تاني ...ابوس رجليك متسبنيش لو حد اكتشف اللي حصل أنا ابقي كده انتهيت ...اتجوزني ابوس ايديك ...
اتجوزك انتي !!لا بجد انتي مچنونة ...طب وليه اطلبك في الحلال وانا اخدت منك كل حاجة ...ليه ادفع واكلف نفسي وانا اخدتك بالرخيص في شقة مفروشة ....
زقتها لحد ما وقعت علي الأرض وقولت بتشفي
انا لما اتجوز يا حبيبتي هتجوز اللي تخليني ملمسش ايديها اصلا ...اللي اخليها في بيتي وانا مطمن ...ومش انتي اللي اجيب منها عيال وأمنها علي بيتي !!!
ويالا دلوقتي امشي ومش عايز اشوف وشك تاني ...
وبعدين سحبتها ورايا لحد ما فتحت الباب وزقيتها وقفلت الباب في وشها !!!
.....
بعد يومين ...
اخيرا يا امجد وافقت علي العروسة ده انا قلبي تعبني وانا بقنعك
قالتها ماما بتعب فضحكت وقولت
الله يا ست الكل مش لازم اللي اتجوزها تكون كويسة ومحترمة بدل ما اتدبس في واحدة مش تمام ...المهم البنت دي كويسة زي ما بتقولي يبقي بإذن الله هتكون من نصيبي ...
اه كويسة اووي يا امجد هي طالبة طب ومختمرة وحافظة كتاب ربنا ...قولي ايه فيه احسن من كده ...
هزيت راسي وانا حاسس بالرضا والارتياح ...اهي دي اللي اتطمن عليها وانا في بيتي ...
.......
روحنا للناس عشان نتقدم ...أنا وابويا وامي وهما استقبلوني كويس اووي
وبعد شوية كلام ماما طلبت اننا نشوف العروسة ...وقتها خرجت وشوفتها ...كانت اجمل بنت اشوفها في حياتي ..عيونها في الأرض ولبسها واسع ...كانت بتنور قدامي زي ما تكون ملاك وللمرة الاولي قلبي يدق بالعڼف ده ...لأول مرة احس اني بغرق....قومت وانا ببتسم ليها الا أن وشي بهت فجأة لما شوفت علا وراها ...علا شافتني و رجعت لورا پصدمة وفجأة وقعت الصينية اللي عليها الجاتوه وهي بتقول بصوت مسموع
يتبع
الجزء التاني بقلم سولييه نصار
انتي تعرفي امجد يا علا !
قالتها والدة منار ...البنت اللي هتجوزها ...
عيون علا دمعت وهي بتبص عليا رجعت لورا وهي حاسة قلبها بيتكسر لمليون حتة ...اكتر واحد حبته واللي اخد قلبها وشړفها ...هيتجوز بنت خالتها اللي هي زي اختها تماما ...كانت پتنهار من جواها بس مقدرتش تكشف كل حاجة ...هتقول ايه يعني انها فرطت ...هتقول انها رخيصة ...الناس
