عرضت نفسى بقلم آيه شاكر

هزار
قلت بندم
خلاص والله متزعلش مش هقول كده تاني
بصلي بنظره جانبيه وقال
ماشي سماح المره دي
فكرت وأنا ببصله إذا كان زعل من كده أومال لو عرف إني في جروب مختلط وبكلم ولاد هيعمل إيه!! فقررت أبلع كلامي وأسكت...
عبيده طلع لصاحبه ووقفت أفكر هو أنا بحب عصام ولا بحب شادي ولا أصلا معجبه ب يزن إلي في الشات!!
لأ أنا اكتشفت ساعتها إني بحبهم كلهم يا جماعه واتمنيت لو كان ينفع اتجوزتهم كلهم طلما قلبي زي قلب البطبخ كده يسع من الحبايب عشره...
بجد ربنا يسامحني على كل الأفكار إلي كانت بتيجي في دماغي في الوقت ده...
انتشلني من أفكاري صوت ماما إلي قالت
يا شهد... شهد إنت يا بت نفسي تردي عليا من أول مره
والله دايما برد من أول مره بس الأمهات بيكبروا الموضوع!
جريت ناحيتها ووقفت قدامها وقلت
حاضر... نعم يا ماما
إيه ده إنت بسه الإسدال ورايحه فين! 
قلت بمراوغة
هجيب من منه ورق مهم وأجي
وقفت ماما مبتسمة وقالت بح ماس
طيب هاتيلنا معاك لب وتسالي وإنت جايه دا أنا منزله فيلم كوميدي يجنن عاوزين نسمعه أنا وإنت زي زمان
غمزتلها وقلت
ماشي يا عسل مش هغيب عليك
وأنا هصلي المغرب وأغسل المواعين على ما تيجي
أمي دي ست هايله بحبها جدا بتشتغل مديرة مدرسة في بلدنا كانت بتحب بابا عشان كده لما اتوفى متجوزتش بعده..
وعلى فكره هي مش بتسمع إلا مسلسل واحد عارفه ميعاده ومتبعاه يمكن ده أسلوب للهروب من واقع الحياة القاسې ولو لساعه!
وروحت لمنه في صيدلية عصام...
يا بنتي الكلام ده كڈب أنا مكلمتش إلا محمد عشان أحل مشكلته مع مرام لكن كل المحادثات دي متفبركه
قلت بتفهم
أنا قولت كده برده
منه بمكر
وبعدين أنا عايزه أحذرك من يزن لأنه بيهكر الصفح و... وممكن يكون هو إلي هكر صفحتي وكلمهم وبعدين أخد الإسكرينات ومسح المحادثات
سكتنا شويه أنا كنت بقلب الكلام في دماغي كلام مقنع والله!
ولما أدركت إلي قالته شهقت پصدمه وحطيت إيدي على بوقي وقلت
يا نهار أبيض أنا خاېفه يكون عمل كده معايا أنا كمان!
منه بنبرة مرتعشة
لا متقلقيش هو... هو أصله حاول يكلمني وأنا صديته ف.. فممكن يكون بينت قم مني!
يا خساره!! يزن كمان نزل من نظري حتى هو طلع شبههم أد إيه أنا مغفلة!
خرجني من شرودي صوت منه
أنا مردتش أقول لحد عشان مينفعش نسيب الجروب ولا البيدج... احنا تعبنا زيهم وأكتر مش بعد ما عملنا لنفسنا اسم هنسيبه لبهم على الجاهز!
أقنعتني وصدقتها قلت بشرود
عندك حق يا منه..
اتنهدت منه بارتياح ووقفت قائلة
قومي بقا يلا نرجع البيت
قلت بتساؤل
طب والصيدليه!
شاورت منه على الباب إلي دخل منه شاب وقالت
ده صاحب عصام هيقف فيها على ما هو يجي
خرجت معاها ودخلت المحل اشتري لب وتسالي زي ما أمي طلبت..
منه مدت بصرها وشافت عبيده جاي ناحيتها مع عصام وشادي وبيضحكوا
قعدت تفكر تلفت نظرهم ازاي!! وكانت شهد هي كبش الفداء...
خرجت من المحل مش مركزه كنت بعدل الحاجات الي اشتريتها مأخدتش بالي من قدم منه الممدوده عن قصد...
وقعت على وشي وكان فيه طين على الأرض واللب تناثر في الطين وهدومي كلها بقت طين...
المشكله الأكبر إن دماغي اتخبط في طوبه كبيره على الأرض والدم سال على وشي...
منه قعدت تضحك بصوت عالي على منظري لما وقعت ولما شافت الډم على وشي اتخضت وقالت بنبرة عالية
يا نهاري إيه ده!!.. ده ډم
عبيده جرى ناحيتي وساعدني أقوم وهو بيقول بلهفة
حبيبتي بسم الله... إيه إلي حصل!!
حطيت إيدي على وشي وبصيت لصوابعي إلي مليانه ډم وقلت بفزع
ډم أحمر.. الحقني يا عبيده
عبيده بفزع إيه ده!!!
شادي أخرج منديل قماشي من جيبه وقال ل عبيده
خد يا عبيده اكتم الچرح الأول وبعدين اتفاجئ
عصام قرب مني وقال ل عبيده
اوعى كده أ
خليني أبص على الچرح ده
لمس عصام جبهتي كنت مغمضه عيني وماسكه في عبيده قال عصام
مش هتحتاج تتخيط متقلقيش
عبيده
الحمد لله جت سليمه
منه پبكاء مصطنع
أنا آسفه والله يا شهد مكنش قصدي
قلت ببرااه
يا بنتي متعيطيش محصلش حاجه
بصيت لهدومي وايدي الي مليانه طين وهدوم عبيده إلي مسحت الطين فيها من غير ما أخد بالي لما مسكت فيه!
عبيده بص لشادي وقال
معلش بقا يا شادي بهدلنا المنديل بتاعك
ولا يهمك يا غالي فداك ألف منديل
ضحك عصام وقال
ألف بس!! دا إنت بخيل طيب قول مليون إنت دافع حاجه من جيبك!
ضحكنا كلنا عصام دمه خفيف ما أنا مش بحبه من فراغ...
منه كانت واقفه جنبي وشويه تبص على عبيده وشويه تانيه لعصام وأخيرا لشادي ساعتها سألت نفسي اومال فين غض البصر إلي قرفاني بيه!!
بصيت ل عبيده وقلت بزعل
عبيده... اللب والتسالي كلهم وقعوا في الطين
طبطب عليا وقال بحنان
مش مشكله يا حبيبتي هنجيب تاني يلا بس أوصلك للبيت الأول
شادي بص للحاجات إلي وقعت على الأرض وبعدين بص لعبيده وقال
عبيده استناني لحظه واحده بعد إذنك
عبيده
طيب هوصل شهد وأرجعلك
لا متمشيش مش هتأخر
قال شادي كده وهو بيجري ناحية المحل بصيت ل منه حسيت إنها متغاظه أو مضايقه فرجعت بصيت