انت يااخ

راحه ليا اسبوعين لكن عندي طاقه للشغل غريبه وعشان كدا الكورس المستوى التاني اللي حابب يحترف الخط العربي هيبدا الاسبوع الجاي والتقديم هيبدا من انهارده وفي كورس تاني للرسم اللي حابب يتعلم الرسم والكورس دا هيتعاد تاني للناس اللي محضرتش معانا من اوله تقدر تبدا معانا تاني 

عمر نظرة عينه ذي ما كان فخر بيا وبنجاحي الا هو بيشاركني جزء منه لما كنت بنزل عروض لكورسات اني هبدا اعملها كان بيعمل شير لصحابه ويعرفهم وطلب من مسئولين اعلانات على الفيس بوك وعلى اليوتيوب بأنهم يساعدوني وكان بيعمل كدا من غير مقابل وكمان الشركات دي مكنتش بتطلب مني فلوس ولما سالت قالوليلي الباشامهندس احنا نخدمه بعنينا حسيت بأني بقيت اخص الباشامهندس يعني بقى اللي يخدمني كأنه خدم عمر كان دائما بيساندني من يوم ما عرفني معملش حاجه غير انه بيفرحني 

_ انا هكون معاكي في الكورس الجديد 
_ بأذن الله تشرفوني 

معظم اللي كانوا معايا في الكورس حبوني وحابو التعامل معايا وعشان كدا معظمهم هيكمل انا كان احتراف الخط او الرسم 

_ ساكت لي انهارده في ضريبه على الكلام
_ الصمت في حرم الجمال جمال 
_ لا بجد مين اقدر يسكت عمر انهارده ازاي عمر بيه باشا منسمعش صوته 
_ الفستان الابيض 
_ نعم
_ الفستان الابيض دا انا بعد ما شوفتك بيه هقدر اشوف حد لابس ابيض تاني ازاي !
_ مش فاهمه !
_ شكلك جميل بالابيض ..عقبال فستان فرحنا !!
_ نعم !!
_ نعم الله عليكي !!
_فرح مين !
_ فرحك ...
_ ااه طيب شكرا بس انا مش عايزه اتجوز اصلا ...
_ لي كدا بس بتزعلي الواحد !!
_ انا متعقده من الجواز كله 
_ يارب تفضلي متعقده من الجواز لحد ماظروفي تتحسن يارب ..
_ عمر بجد مش فاهمه تقصد اي !
_ اقصد ان غمازاتك بتبق حلوة اوي وانت عبيطه ..
_ شكر.......عبيطه في عينك احترم نفسك انا المعلمه بتاعتك..
_ ابله يعني !
_ ابله في عينك دا انا اصغر منك يا بابا ..
_ هو انت اصغر واقصر !!
_ ماهي مش بطول انا اهو قصيره بس خطي احسن منك مثلا بقالك كورسين اهو بتتعلم الخط مني ولا اتعلمت حاجه 
_ العيب على الرواي ما انا الا ناقل !!
_ يعني اي !
_ يعني العيب فيكي يا اختي !!
_ نينيني هو فاشل والناس كلها عارفه انه فاشل لكن انا عمري ما اروح اقول !!
_ وبيحبك !!
_ .....
_ بيحب الخط يعني !!
_ طيب انا لازم امشي بق !
_ طيب سلام !!

_ نور حصل حاجه انهارده رهيبه !!
_ حصل اي !
_ عمر قالي بحبك بس بشكل مش مباشر 
_ ازاي !
_ يعني هو اقعد يقول كلام وانا اقول كلام وبعدين قالي هو بيحبك وانا عملت نفسي عبيطه وسكت !!
_ هو مين اللي بيحبك !
_ عمر !!
_ هو قالك !
_ لا بس كان بيحاول يقول كدا !!
_ طيب كويس جدا والله !!
_ لا بس انا هقفل اقدامه السكه 
_ لي بس يا نكديه !
_ لو بيحبني بجد هيجي يتقدملي مش هيعترفلي من غير رابط شرعي بنا !!
_ عندك حق فعلا !

كنت مقتنعه بالفكره دي ماهو اكيد انا مش هخلي قلبي للعرض لاي مشتري وخلاص انا قلبي غالي واكيد مش ههلكه بالفرجه لناس معرفش هي تستهاله ولا لأ انا هفضل محافظه عليه وهفتحه بس للانسان اللي يكون شايف ان قمته عاليه ومش ممكن يهينه بكلمه في الحړام ...
ايوه انا مقتنعه ان كلمه بحبك في الحړام دي اهانه لقلبي مش محبه خالص وكل قصص الحب اللي حواليا ان كان نهايتها نجاح او فشل مش بتشد نظري انا اللي بيلفت نظري 
هي كلمه اسف من راجل قالها لمراته لما زعلها من غير ما يقصد وطيب خاطره حتى لو هي غلطانه ومن  كلمه حلوة من واحد لمراته بعد غدوة عاملتها بحب بنظرة امتنان من واحده لجوزها لانه ساب شغله واقعد معاها في البيت عشان لسه تعبانه من الولاده الحب انا بشوفه في عين واحده عاشت مع جوزها عمر طويل شافت معاه الحزن والفرح الحلو والمر  بشوفه في عنيها وهي خاېفه عليه يبرد في الشتا وتعمله حاجه سخنه جنب جرنال الصبح ولا انها تعمله كوبايه القهوه اللي بيحبها على الافطار عشان تسعده وبشوف الحب دا من واحده ترجع من شغلها تعبانه وتتصل على جوزها تقوله تحب تأكل اي على الغدا ! ب رغم تعبها إلا انها عايزه تسعده بأكلها حلوة 

مش بيلفت نظري الجوبات والخروجات والحب على الشات ولا الكلام المغلف بحلاوة البدايات هاتلي حب يدوم بعد سنين ورغم كل المشاكل دام وهتلاقيني بنبهر لوحدي ...

_ الو.
_رحمة
_ ايوه يا عمر ..
_ مال صوتك..!
_ مال صوتي ما انا كويسه اهو