حضرتك محتاجه حاجه

القسۏة ما بتولد حب ولا أمان جهاد عمرها ما هتحبه لأنه عمره ما حسسها أنه بيحبها أتربى أن الراجل لأزم يكون قاسې علشان يبقى ليه هيبة لكن نسيوا أن القلب لو قسي على الناس ھيموت وحيد في النهاية رفع زيد رأسه وبص على البيت كبير لكنه فاضي منور لكن الضلمة ساكنه جدرانه دمعة نزلت من عينه وهو بيفتكر ولده أتكلم بصوت مسموع. 
_سامحني ياعبدالرحمن معرفتش أحافظ على أمانتك ولا عرفت أكون أب كويس. 
أوقات الند م مبيرجعش اللي فات ولا بيصلح اللي حصل يمكن الند م بيتحول لحسرة تلازمك العمر كله حسرة هتقتل قلبك ببطء. 
_وبعدين معاك يابنتي 
قالها بابا وهو بيقعد على كرسي جمب سريرها كانت سرحانه في الفراغ مر أسبوع وهي في المستشفى الدكتورة قالت أنها عندها صدمة عصبية ومن وقتها مش بتتكلم مع حد شكلها باهت وأنا شكلي أتعلقت بعنيها التايهه. 
سيبها يا بابا تاخد وقتها وأكيد هتتكلم لما تحس أنها عايزه كدا. 
بصت عليا بعد ما خلصت كلامي فأبتسمتلها بهدوء رجعت بصت للفراغ تاني أتنهدت بحيرة وأنا بخرج برا الأوضة كان عمار قاعد برا وبيلعب في تلفونه أتكلمت وأنا بقعد جمبه. 
أي يابني أنت هتفضل تنطلنا كل يوم كدا 
_أنا غلطان يعني إني بطمن عليها! 
رفعت حاجبي وبصتله باستنكار فضحك وأتكلم بجد. 
_أنا بس عايز أفهم مالك 
مالي مش فاهم 
_شاغل نفسك بيها زيادة عن اللزوم أسبوع مر من وقت ظهورها في حياتك وأنت مبقيتش مراد اللي أعرفه. 
بصيتله بتعجب وأنا بحاول استوعب قصده أتكلمت وأنا بلف بجسمي علشان أبقى قصاده. 
وضح أكتر مش فاهمك 
_يعني بتيجي الصيدلية يدوب بتقعد نص يوم وبعدين بتمشي بتجي هنا المستشفى وتقعد قصاد أوضتها دا حتى لما بباك بيمشي أنت بتفضل. 
أنا بس زعلان على حالتها وخصوصا أن بابا بيحبها وتعبها بيتعبه. 
_عمو عبدالله بس اللي بيحبها 
قصدك أي 
_أنت كمان حبيتها يا مراد أو نقول أنك أتعلقت بوجودها رغم سكوتها لكنك حابب قربها. 
قمت من جمبه بنرفزة وأنا بتحرك قدامه رايح جاي. 
أنت أتجننت يا عمار أحب مين 
_أنت متعصب ليه دلوقتي 
علشان كلامك غريب. 
_ولا علشان دي الحقيقة. 
حقيقة أي أنت بتهزر! 
_خلاص طالما مش بتحبها أنا عايز أتجوز جهاد وهقدر أعوضها عن كل اللي مرت بيه. 
وقفت فجأة وأنا مش عايز أصدق الكلام اللي سمعته لفيت وبصيت عليه لقيته بيبتسم بهدوء عمار أكيد أتجنن. 
_أنا عايزة أخرج من هنا. 
قلتها وأنا ببص أتجاه عمو عبدالله اللي قاعد في ركن الأوضة بيقرأ قرآن قفل المصحف أول ما أنتبه لصوتي وقرب مني بسرعة. 
_وأخيرا أتكلمتي طمنيني عليك عامله أي 
_أنا كويسة بس عايزة أمشي من هنا. 
_حاضر هكلم الدكتورة تكتبلك على خروج. 
_شكرا على وجودك جمبي. 
_طب بلاش كلام فارغ أنت بنتي ومفيش شكر بينا. 
_حد من أهل بابا كلمك 
أتنهد عبدالله وهو بيقعد على الكرسي قصادها أتكلم بهدوء وهو بيحاول يطمنها. 
_محدش يعرف مكانك هنا ولا حتى يعرفوا رقم تلفوني. 
_بس أكيد بيدوروا عليا. 
_متقلقيش محدش هيقدر يقرب منك ولا يأذيك تاني أنا طلبت من الدكتورة تعمل تقرير طبي بحالتك الصحية و بسهولة تقدري تحبسيهم بسبب جريمتهم في حقك. 
_أنا مش عايزة غير يسيبوني في حالي. 
_وحقك 
سكتت وبصت بعيد عني عارف أنها محتاره ومش عارفه تعمل أي وتفكيرها مشتت محبيتش أضغط عليها أتكلمت وأنا بخرج برا الأوضة. 
_جهزي نفسك هخلص أجراءات المستشفى ونمشي. 
هزت رأسها من غير ما تتكلم خرجت برا لقيت مراد ماسك في عمار وبيتخانقوا استغربت وفصلت بينهم بسرعة وأتكلمت بضيق وصوت شبه عالي. 
_أنتوا أتجننتوا أي اللي بيحصل هنا 
محسيتش بنفسي غير وأنا بمسك فيه شعور جوايا مستحملش كلامه عنها أو فكرة أنه بصلها وفكر فيها عمار أعز صديق ليا مكنتش فاهم هو بيعمل كدا ليه كان بيضحك وأنا ماسك فيه وبزعق لولا بابا اللي فصل بينا كنت هضربه بسبب استفزازه. 
_مفيش ياعمو مراد بيهزر معايا بس. 
_دا هزار دا ولا هنا وقته 
آسف يا بابا. 
_يلا خلينا نخلص أجراءات المستشفى جهاد عايزة تخرج. 
هي أتكلمت 
أتكلم مراد بلهفة واضحه مقدرش يخبيها خلاني ضحكت عليه بصلي بغض ب وعمو عبدالله بص عليا بتعجب حمحمت بحرج وأتكلمت وأنا بحاول أضايق مراد أكتر. 
_طمني عليها هي بخير 
_بخير الحمدلله وهتكون بخير أكتر لما تخرج من هنا. 
خليني أكلم الدكتورة ونشوفها هتقول أي. 
_أكون شوفت أوراق المستشفى. 
هز رأسه