حضرتك محتاجه حاجه

مع مراته أبوه مقدرش يسامحه في حق جهاد لكنه بيعامله كويس أبتسمت وهي بترد عليا. 
_نسيتهم ربنا يسامحهم. 
ربنا يديمك في حياتي يا كل حياتي. 
طبعت بوسة خفيفة على عيونها العيون اللي سحرت قلبي ووقعتني فيها عيونها اللي كانت تايهه وباهته وقتها حاليا بتلمع وفيها حياة كانت مغمضه عيونها وواقفه قدامي مبتسمه كنت فرحان بشكلها الرقيق فجأة فتحت عيونها وأتكلمت بخضه. 
_عمار متفتكرش إني نسيت اللي عملته في أخوك تعالى هنا. 
سابتني وجريت من قدامي تدور عليه ضيعت اللحظة منك لله أنت وعمار الكبير والصغير دي عيشه بقيت تقصر العمر طب والله لأنزل أنكد على عمار الكبير زي ما عمار الصغير نكد عليا. 
أنا نازل. 
_رايح فين يا مراد 
نازل أطمن على اللي بلاني البلوة دي. 
كانت شايله عمار تحت أيدها كأنه بطيخة دا منظر يرضي ربنا دا سألتني بتعجب. 
_مش فاهمة بلوة أي 
ولا هتفهمي كملي أكل في عيالك أكون جيت. 
_طيب خد عبدالله معاك بالله أنا يدوب عليا عمار. 
هاتيه الهادي أبن الهادي دا مينفعش يقعد معاك أنت وأبنك.
_قصدك أي 
ولا أي حاجة أتمنى بس محدش فيكم ېقتل التاني لحد ما نرجع. 
أتكلم عمار وأخيرا أقطع دراعي أن ما كان دا عمار الكبير ومتنكر في طفل أربع سنين. 
_أنت هتسيبني معاها متعلق كدا ورايح فين 
هي الوحيدة اللي بتقدر عليك أنا صحتي على قدي متخافش مش هتأكلك هي لسه متغديه. 
_مراد أنت بتقول أي! 
ضحكت وأنا بقرب منها وبطبع بوسة على خدها وببوس المتعلق دا أتكلمت وأنا شايل عبدالله وبخرج من البيت. 
بقول هتوحشيني الكام دقيقة اللي هغيبهم عنك ياروح قلب مراد. 
قفلت الباب ورايا ووقفت دقيقة بسمعها وهي بتعقد معاهدة صلح بينها وبين عمار ضحكت لأنهم كل يوم بيعملوا ألف معاهدة وبيرجعوا يأكلوا في بعض تاني بوست خد عبدالله وأنا نازل بيه على السلم تلات سنين وأعقل واحد في البيت والله الدنيا زي ما فيها المر فيها الحلو بزيادة ووالله هي كانت كل حلويات الدنيا دايما واثق في قدر ربنا أنه خير ورغم الظروف اللي عرفتني عليها لكني كنت وأثق أن في خير محدش عارفه وأهو عرفته حتى لو بعد سنين خير يستحق أنتظره العمر كله. 
تمت.