خلخال حلميه ..بقلم آية عرفات
يعني اسبوع لاجيتي ولا كلمتيني ولا حتى طمنتيني
حليمه لا الامور ماشيه تمام وهو بياخد العلاج في مواعيده انشاء الله هيتحسن قريب
رامي طب اي بقى مش هشوفك
حليمه للاسف ما ينفعش اخرج واسيب عزيز لوحده
رامي خلاص هاتي عزيز على النادي وانا هقابلكم هناك وبالمره يشم هوا ويخرج من الجو الي هو فيه
حليمه هتكلم معاه في الموضوع ده واشوف رد فعله اي
رامي خلاص منتظر حضرتك تعرفيني اذا كنتم هتروح النادي ولا لا.
حليمه ان شاء الله
عزيز دخل على حليمه
عزيز ايه كنتي بتتكلمي مع مين
حليمه كنت بتكلم مع اختي في حاجه ولا اي
عزيز لا انا بس بطمن عليكي
حليمه ما تيجي نخرج يا عزيز
عزيز هنخرج نروح فين يعني
حليمه نروح النادي ايه رايك نروح النادي ادينا هنشم هوا نضيف وبالمره تغير مودك شويه
عزيز انا ماليش نفس اني انا اخرج
حليمه طب لو قلتلك عشان خاطري
عزيز خلاص البسي وانا كمان هلبس ونخرج
حليمه قامت مره واحده وباست عزيز من خده
حليمه شكرا
عزيز فضل يحسس بايده على خده وكان مبسوط اوي
حليمه داخلة تلبس وعزيز لبس بس لبس القميص بالغلط
حليمه طلعت من الحمام اول ما شافت عزيز قررت تعدل القميص بتاعه
حليمه بص يا عزيز في حاجه بس عملتها غلط في هدومك فانا هصلحهالك
عزيز عملت اي يعني
حليمه قربت منه وفضلت تفتحله زراير القميص براحه وتبص في عينيه وقلعته القميص
عزيز شدها لحضنه
عزيز اي رايك بلاش نروح النادي ونشم هوا على السرير
حليمه هنرجع تاني للموضوع ده عزيز لم نفسك
عزيز هتلم اكتر من كده
حليمه طب يلا عشان اعدلك القميص عشان السواق مستنينا تحت
عزيز ماشي لبسيني برحتك
حليمه هلبسك ازاي وانت مكتفني في حضنك كده
عزيز انا بصراحه مش قادر اطلعك من حضڼي
حليمه ضړبته بايديه على صدره
حليمه ممكن تلم نفسك بقى وتسيبني عشان ما نتاخرش ولا احلف مروحش معاك خالص
عزيز لا خلاص انا هسيبك
عزيز ساب حليمه وحليمه لبسته وطلعوا على النادي
في النادي حليمه وعزيز كانوا قاعدين على الكراسي
مره واحده دخل عليهم رامي
رامي اي ده زيزو موجود هنا فينك يا عم انا مش مصدق نفسي
عزيز ده صوت رامي اي يا رامي عامل اي يا حبيبي
رامي انا بخير والله يا صاحبي بقالي شهرين مش بشوفك وآله بتسال هو انا مش بشوفك بس الا لما تكون تعبان
عزيز وانا بردو اللي هسال عليك يا صاحبي ولا انت المفروض تسال عليه
رامي عندك حق يا زيزو حقك عليا مش هتعرفني ولا اي
عزيز اه نسيت حليمه مراتي وده يا حليمه الدكتور رامي الدكتور اللي بيعالجني هو دكتور فاشل ماعملش ليا اي حاجه بس اهو دكتور وخلاص
رامي شكرا يا عم علي التسييط اللي انت عملتهوالي ده
عزيز اي خدمه
حليمه طب انا هقوم اتمشى يا عزيز ما تيجي تتمشى معايا
عزيز لا انا تعبان ومش قادر امشي روحي انتي يا حبيبتي
حليمه هتعوز مني اي حاجه
عزيز لا شكرا
رامي استني يا مدام حليمه انا ممكن اجي اتمشى معاكي عشان ماتبقيش لوحدك واهو بالمره نعرف بعض اكثر
حليمه ما عنديش مشكله
مره واحده عزيز مسك ايديها
عزيز تصدقي الجو هنا كاتم محتاج ان الواحد يتمشى انا جاي معاكي
عزيز كان غيران اوي على حليمه لانه طبعو من النوع اللي بيغير من اقل حاجه
حليمه حست ان عزيز غيران وكانت فرحانه اوي
رامي خلاص بقى يا عزيز روح انت اتمشى مع مراتك وانا هروح اجري شويه
عزيز ماشي يا صاحبي نتقابل بعدين
رامي انشاء الله
عزيز فضل يضغط على ايد حليمه بعصبيه
حليمه اي يا عم سيب ايدي
عزيز هو انتي كانتي رايحه معاه فين
حليمه رايحه مع مين انا كنت هتمشى لوحدي وهو اللي قالي هاجي اتمشى معاكي اقول له لا يعني
عزيز وديني لاعلقك على باب الفيلا زي الفرخه الدايخه بسبب الحركه اللي انتي عملتيها دي ما هو انتي لو كانتي محترماني ماكنتيش وافقتي انك تتمشي معاه
حليمه اي ده هو انت بتغير عليا ولا اي
عزيز اغير عليكي ليه بقا انشالله وآله بغير وآله زفت بس وأقسم بالله لو عملتي الحركه دي تاني مع أي حد هعلقك
حليمه يا نهار الوان ده كله ما بتغرش عليا يا ابني ده انت ناقص تجيب سيف وتغرزه في عين صاحبك ده
عزيز يلا علشان نمشي انا غلطان اصلا اني انا طلعت معاكي
عزيز خد حليمه وروحوا عزيز كان مخڼوق جدا وحليمه كانت فرحانه اوي .
في الشقه عند محمد ونور
محمد فتح الباب على نور وشافها نايمه بهدومها قرب منها وشال شعرها اللي كان مغطي عينيها مره واحده نور قامت من النوم محمد قام وقف
محمد صباح الخير
نور انت بتعمل اي هنا
محمد انا بقولك صباح الخير
نور صباح الزفت على دماغك قلت بتعمل اي هنا
محمد في عروسه تقول لجوزها كده يوم الصباحيه
نور اطلع بره يا محمد ممكن تسيبني لوحدي
محمد انا جهزتلك الفطار على السفره قومي عشان تفطري
نور انا مش عايزه افطر افطر لوحدك ممكن تسيبني بقى
محمد انا هستناكي على السفره مش هفطر غير لما تيجي ولو ماجتيش انا هزعل وزعلي وحش وياريت تغيري اللي انتي لابساه ده وقلتلك انا عمري ما هاذيكي
محمد خرج من الاوضه نور كانت خاېفه منه ومن اسلوب كلامه قررت انها تقوم تغير هدومها وتروح تفطر معاه
نور دخلت لبست ترنج بنص كم وفردت شعرها اول ما محمد شافها اڼصدم من جمالها اللي كان مستخبي واره حجابها
محمد شدلها الكرسي
محمد اتفضلي اقعدي
نور قعدت وبداوا يفطروا ومحمد كان نظراته كلها على نور ونور كانت بتفطر وهي خاېفه فضلت مستغربه من اسلوبه معاها مره يبقى كويس ومره يبقى شديد وكلامه قاسې
محمد تعرفي انك انتي زي القمر
نور قامت عشان تدخل الاوضه مسك ايديها
محمد اقعدي كملي فطار
نور لا شبعت
محمد مش هقول لها تاني اقعدي كملي فطار
نور قعدت وبدات تكمل اكل
نور بعد ما خلصوا بدات تلم الاطباق
محمد ادخلي انتي ارتاحي وانا هلم الاكل وهظبط كل حاجه
نور لا كفايه انك عملت الاكل انا هشيل انا مكان الاكل
محمد انتي لسه مش عارفه اي حاجه في البيت ارتاحي انتي لحد ما اعلمك كل حاجه في
البيت واعرفك الحاجات موجوده فين اخوكي مراد جاي يطمن عليكي ياريت تدخلي تلبسي حاجه تانيه غير اللي انتي لابساها دي
نور هو انا لابسه لبس وحش ولا حاجه وعلى العموم ده اخويا
محمد مسكها من معصمها وهمس في ودنها
اللبس ده يتلبس لي انا وبس لكن لاي حد تاني تدخلي تلبسي عبايه وتحطي طرحه على شعرك حتى لو الحد ده اخوكي اسمعي الكلام عشان مزعلش منك
نور مره واحده طلعت تجري على الاوضه لبست عبايه وطرحه
شويه ومراد جه
مراد مبروك يا عرايس الف مبروك
محمد الله يبارك فيك يا مراد عقبالك كده يارب
مراد اللهم امين
محمد هسيبكم انا تتكلموا براحتكم وادخل اعملكم حاجه تشربوها
محمد اول ما دخل مراد بدا يتكلم مع نور
مراد اي يا نور يا حبيبتي محمد عامل معاكي اي
نور پخوف وړعب محمد كويس ما تقلقش عليا انت يا حبيبي انا عمري ما هلاقي حد زي محمد
مراد ربنا يطمن قلبك زي ما طمنتي قلبي انا كده اطمنت عليكي الحمدلله
نور واحنا بقى مش هنطمن
