امك اتمسكت ...
تعبانه اوى فى المستشفى وطالبه تشوف حضرتك
ياسر طب ادينى العنوان
يذهب ياسر الى المستشفى المحجوز بها ثريه
ياسر يدخل فيجد فتاه جالسه فينظر للجهة الاخرى فيجد ثريه نائمه
تنتبه له الفتاة
استاذ ياسر اتفضل انا هبة
ياسر وهو ينظر لها بخبث اهلا ياهبه بس انا مكنتش اعرف ان ثريه عندها بنات حلوين كده
هبه اتفضل حضرتك حصحيها
تفيق ثريه لتجد ياسر أمامها فتطلب من هبه ان تتركهم وحدهم يتحدثون
ياسر سلامتك ياثريه مالك
ثريه عندى فشل كلوى ومحتاجه اسافر برة اعمل عملية زرع كلى
ياسر طب تمام سافري
ثريه محتاجه فلوس عشان اسافر واعمل العمليه دى حتحتاج فلوس كتير وانا محيلتيش حاجه
ياسر طب وانا مالى عاوزة منى ايه
ثريه عاوزاك تدفعلى تكاليف السفر والعلاج
ياسر نعم ياحاجه انتى اټهبلتى واللا ايه
وانا اجيبلك الفلوس دى منين ان شاء الله
ثريه مش انت بقيت الكل فى الكل فى المصنع وكامل بيه سايب كل حاجه فى ايدك
جه الدور عليك تساعدنى دلوقتى زى مانا ساعدتك زمان واللا نسيت
ياسر لا منسيتش بس واضح انك انتي اللي نسيتى انك اختى حقك والاايه وكمان خليتك ريسه على العمال غير كده ملكيش جاجه عندى
ثريه يعنى حتتخللى عنى والله ده انا اڤضحك واقول لكامل بيه
على كل اللى عملناه زمان فى عفاف الغلبانه اللى ربنا ادخلها حقها منى وادينى اهوه مرميه
ياسر هههههه هههههه مش ياسر اللى بتهدد ياحلوة عاوزة تقولى تحبي اوصلك بنفسي
بقولك ايه انا بقول كفايه عليكى كده انتى جتاخدى زمنك وزمن غيرك مع السلامه يا ياثريه
يخرج فتبكى ثريه
ده عقاپ ربنا لية وياترى حيكون في ايه تانى
يقابل ياسر هبه وهو خارج فيقول لنفسه لعبه حلوة العبلي بيها يومين وترجع للواحد شبابه
فيقترب منها
هبه
هبه ايوة حضرتك
ياسر هو انتى بتشتغلى
هبه لاء مشتغلتش
ياسر انت معاكى ايه
هبه دبلوم تجارة
ياسر عندك كام سنه ياهبه
هبه عندى ٢٤سنه
ياسر حلو اوى بصي انتى حتيجى تشتغلى فى المصنع من بكرة وحديكى مرتب حلو ايه رايك
هبه حشوف ماما وارد عليك
ياسر بكرة الصبح تكونى فى المصنع
ويتركها ويمشي
فى المساء يطرق الباب
عزة اهلا يا محسن اتفضل
محسن بصي ياعزة من الاخر كده انا عاوز اتجوز حياة
عزة خدها يااخةيا بالسلامه واهو تريحنا منها ومن قرفها بس مين اللى حيصرف علينا ده هى اللى شايله البيت
محسن بقولك ايه يا عزة حتاخدى مبلغ ومتفتحيش بؤك بكلمه
عزة اللى تشوفه يامحسن
محسن خلاص ادخلى قوليلها خليها تيجى تقعد معايا شويه
تدخل عزة الغرفه لحياة والتى تعيش فى حزن شديد خاصة بعدما سمعت من محمود
عزة قومى ياحلوة غيري هدومك كده عشان تقابلي عريسك
عزة عريس مين اللي بتتكلمى عنه
وقد شعرت بفرح لثوانى معدوده ظنا منها انه محمود قد جاء للاعتذار منها وخطبتها
ولكن تهدمت امالها سريعا
محسن ياعينيا
حياة مين انتى انجننتى بتقولى ايه
عزة ايه البرنسيسه مش عاجبها محسن واللا ايه
امال انتي كنتي فاكرة ايه
دمتور حيتقدملك دكتور واللا مهندس
لا فةقى ياحياة انتى اخرك محسن وتحمدى ربنا وتبوسي ابدك كمان
وياللا بقى قومى متضيعيش وقت
حياة وهى تمسك بها انتى عاوزة منى ايه منك لله ضيعتينى وضيعتى مستقبلي
حسبي الله ونعم الوكيل فيكى
ربنا ينتقم منك ياريتنى كنت اشتغلت خدامه بس كملت تعليمى خليتى البنى ادم الوحيد اللى حبيته يسيبنى ويظن فية السوء
عاوزة تعمللى فية ايه تانى والله لو مابعدتى عنى وسيبتينى فى حالى لاقټلك ياعزة
امشي اطلعى برة
امشي بقى اطلعى من حياتى
ربنا ينتقم منك
وتخرج لمحسن انت ايه اللى جابك هنا ياكلب
امشي برة برة انا مش حتجوز برة برة
فى شرم الشيخ
تجلس على الشاطئ تنظر للا شئ لا تشعر بما يحدث حولها
بينما مصطفى يجلس على الكرسي المجاور لها ينظر إليها بشغف وعشق يظهر على وجهه
كان يتحدث اليها نفسي ادخل جواكى واعرف انتى بتفكرى فى ايه
نفسي ييجى اليوم اللى تتكلمى فيه واسمع صوتك
انتى هدية من ربنا لية دخلتى علية حياتى واقتحمتيها من غير استئذان
تاتى يسر من خلفه فتجده شاردا فى عالم اخر
احم احم نحن هنا ايه ياابيه الهيام ده كله
مصطفى بتقولى حاجه يايسر
يسر بقول يعنى لو ينفع حضرتك تسيب القمر ده وتيجى معايا المؤتمر مافاضلش عليه كتير وحضرتك لازم تجهز نفسك
مصطفى تمام بس دخليها من البرد
ويلتفت ليجد من يقول له
دكتور مصطفى ازى حضرتك
مصطفى ينظر اليه باستغراب دكتور مصطفى حضرتك مش فاكرنى
مصطفى اسف والله بس مش واخد بالي
انا دكتور مالك عبد الرحمن ابن الاستاذ عبدالرحمن السيد اللى كان بيشتغل فى شئون الطلبه وحضرتك كنت بتدرسلي وانا فى الكليه
مصطفى ايوة افتكرته وافتكرتك اهلا وسهلا بيك عامل ايه
ووالدك اخباره ايه
مالك اهلا بحضرتك يادكتور والله والدى الله يرحمه اتوفى من فترة وانا بجد مبسوط جدا انى قابلت حضرتك
اكيد حضرتك هنا عشان المؤتمر الطبي
مصطفى ايوة فعلا
مالك انا لسه واصل من انجلترا بعد مااخدت الدكتوراة وجاى انا كمان عشان المؤتمر
مصطفى وانت تخصصك ايه بقى يادكتور مالك
مالك امړاض نفسيه وعصبيه
ثم ينظر الى يسر
بنت حضرتك يادكتور
مصطفى يسر اختى الصغيرة وتعتبر بنتى
بتحضر دراسات عليا
يمد مالك يديه ليسلم عليها ويبتسم لها ابتسامه تدل على اعجابه بها
اهلا بيكى
يسر اهلا
