وانا ايه ذنبي

_ كده اللي هو إزاي يعني يا ليلى؟
= يعني من بعد طلاقك من يارا وأنت بقيت مش مهتم بنفسك زي الأول ولا حاجة؟
_ اللي كنت بهتم بشكلي عشانها مبقتش موجودة، ههتم لية؟ وعشان مين؟
= عشان فيه غيرها بيحبك يا يونس وأنت مش واخد بالك.
أتكلمت ببرود 
_ ومش هاخد بالي عشان أنا مليان بيها يا ليلى ولو فيه سنتي واحد فاضي ف هيكون ليها أو لحاجة منها ومني، متفتكريش إن عشان اتطلقنا تبقى خلصت الحكاية على كده، لأ أنا لو فاضل فعمري دقيقه واحدة هرجعلها في الدقيقة دي عشان أنا مش عارف أعيش من غيرها ومش هعرف.
أتكلمت بدموع مكتومة

= ربنا يوفقك يا يونس وترجعوا لبعض يارب.

"سمية"
*لو سمحت مكتب بشمهندس يونس فين؟
= الدور التاني في الوش قدام السلم.
وصلت عند المكتب وسمعت الكلام اللي كان بينه وبين حد موجود في المكتب معاه بيتكلم عن يارا، حسيت إنه لازم أقوله فعلا، مش لازم يارا تحارب لوحدها فشيء زي ده، خپطټ على باب المكتب.
= يونس.
_ سمية!، أتفضلي.
= أنا أسفة إني جيت كده على غفلة، لكن فيه موضوع مهم عايزاك فيه.
_ أتفضلي أنا تحت أمرك.
= يارا يا يونس.
أتكلم بزعل
_هى اللي أختارت يا سمية، أنا لحد آخر لحظة مكنتش عايز ده يحصل، لكن الشك والعصبية وكل حاجة طلقني طلقني، مبقتش فاهمها ياسمية.

= يارا عندها کانسر في المخ يا يونس.
أتكلم بذهول 
_ إزاي؟ أنتي بتقولي إيه؟ عايشة معايا في بيت واحد وأنا محستش بيها!
= مكانتش عايزة تقولك يا يونس، وكل التصرفات اللي كانت بتحصل دي عشان تكرهك فيها وتخليك تطلقها، صدقني يارا ټعپlڼة وكانت أستحالة تخليك تعيش الۏجع ده معاها.

_ أدخل..يو يونس، أنت بتعمل إيه هنا ؟
= كنتي هتفضلي مخبية لحد أمتى يا يارا؟، فاكرة إني هسيبك لو عرفت إنك ټعپlڼة، غبية يا يارا غبية عشان فكرتي فيوم تعيشي وجعك ده لوحدك.
أتكلمت بعياط
_مكنتش عايزاك تتوجع معايا، مكنتش عايزة اخليك تشوفني كده.

أتكلم بدموع
= وأنا إيه وأنتي إيه؟ إحنا واحد يا يارا، أنا عايش عشان أنتي موجودة أنتي فاكره أنا كنت إزاي قبلك؟، مش عايز أرجع للوحدة من غيرك، الدنيا متساويش حاجة من غير وجودك فيها ياحبيبتي، أنتي هتعملي العملية وهتخفي ومفيش حاجة هتبعدك عني لو حصل إيه، أمسكي في الدنيا عشاني وعشان فيه حاجات كتير بينا معملنهاش فيه كتير قوي يا يارا قوي.
أتكلمت بعياط

_ مش عايزة أعمل العملية، الورم ضاغط على مراكز حساسة في المخ منها الذاكرة والحركة، لو عملت العملية ممكن افتكرك وممكن أنساك يا يونس وأنا مش عايزه أنساك.

تبت قوي على إيدها 
= حتى لو ده حصل هنعمل ألف ذكرى وذكرى متتنسيش يا يارا، هشيلك جوه عيوني حتى لو فيكي إيه، بس عشان خاطري أنا أمسكي في الدنيا عشاني وعشان كل حاجة حلوة فكراها.

_ طمني يا دكتور، هتكون بخير صح؟
= مخبيش عليك يا بشمهندس بس هى حالتها متأخرة و الورم عندها متشعب، كل اللي بإيدي أقوله إن نسبة العملية 10% نجاح.
أتكلمت پصډمة. مكونة ډمۏع
_أكيد في طريقة تانية، فيه مليون حل، أعمل أي حاجة بس يارا تعيش.
= أهدى يا بشمهندس، كل شيء بإيد ربنا، أدعيلها.
يا رب، يا رب يارا لأ عشان خاطري مش هعرف أكون من غيرها، ده أنا ما صدقت لقيتها، يا رب يا رب أشفيها

_يونس.
أنتبهت ليها وركزت معاها
_ أنا عارفة كل حاجة، أنا من وقت ما التحاليل طلعت وأنا عملت سيرش كتير وعرفت نسبة الخطۏرة
سكتت شوية وأتكلمت بدموع
_ عايزاك تخلي بالك من نفسك كويس، أنا هعمل العملية عشان أنا عندي ثقة كبيرة في ربنا، هكون بخير أكيد سواء خرجت منها أو لأ..
حطيت إيدي على بوقها أسكتها بدموع مقدرتش أتحكم فيها
= هتكوني بخير وهتخرجي مش هعرف أعيش الدنيا دي وأنتي مش فيها يا يارا، أنا كمان عشمان في ربنا قوي، هيجبر خاطري أنا عارف.

"يارا" 
قررت أعمل العملية واللي يحصل يحصل، عشان نفسي أعيش مع يونس أكتر، أفرح تاني وأزعل تاني أجري منه وليه، عشان يونس وقلب يونس.

- دكتور أنا موافقة أعمل العملية.