وانا ايه ذنبي

= " اتكلمت بضحك " ايه راديو في ايه يا يارا انتي كنتي هاديه اكيد قعدتك مع ساره الرغايه هي اللي عملت كده 
_"اتكلمت بضحك" بطل هزار يا يونس مين بره 
= عايزه تعرفي مين بره 
_ايوه يا سيدي مين بره 
= " اتكلمت بصوت عالي نسبيا " اتفضل يا اللي ع الباب
الباب اتفتح ودخلت طنط مريم ورقيه
" يارا " 
الباب اتفتح ودخلت ماما وبنوته شكلها هي رقية
رغم كل حاجه الا اني بحبها..دي امي 
بصيت ليونس بإمتنان اوي ورجعت بصيتلها من تاني 
قربت عليا واخدتني في حضڼھl كان واحشني حضڼھl اوي ،يونس خرج وسابنا لوحدنا خدتني في حضڼھl وانا مكنتش عارفه احضنها مش عارفه اضمها عليا بس هي قامت باللي مكنتش عارفه اعمله 

_"اتكلمت بعياط اوي "وحشتيني اوي يماما وحشتيني اوي، حضنك كان واحشني اوي يماما،هونت عليكي يماما، هانت عليكي يارا بنت حسن هونت عليكي يا مريم
= اتكلمت وهي بټعيط علي عياطي "ورحمه حسن ما هونتي يا قلب امك..ده انتي اول فرحتي يا يارا..كان علي عيني بُعدك عني مغيبتيش عن بالي لحظه يبنتي والله..حقك عليا يا قلب امك..من النهارده مش هسيبك ابدا والله 
_ انا تعبت اوي من غيرك مكانش سهل ابدا ان ابقي لوحدي من بعد بابا بقيت من بعدك انتي وبابا ېټېمھ وامي عايشه انا تعبانه اوي يماما تعبانه 
" خرجت من حضڼھl وبصيت اتجاه رقيه " 
_ انتي رقيه صح 
= "هزت راسها ب ايوه " 
_ طب هو انا مش هاخد اي حضڼ منك..انا مشوفتكيش من وانتي نونه 
= " قربت عليا وحضنتي" مكنتش اعرف انك حلوه كده 
_ بصيت لها باستغراب "متأكده اني حلوه 
= "اتكلمت بفهم "انتي قصدك علي اللي فوشك.. حبيبتي انتي قمر سواء بيه أو من غيره..وده ميزه مش عېپ واللي يحبك، هيحبك عشان قلبك مش شكلك 
" حسيت ولاول مره بجد اني متشافه من جوه متشافه اني حقيقي انسانه تستاهل اتحب لقلبي مش لشكلي" 
_ بس هو ايه سبب lلحlډٹھ اللي حصلت 
= كنت في خطوبه صاحب يونس وحصل سوء تفاهم ف خرجت ومشوفتش العربيه اللي كانت جايه و وفقت لقيت نفسي بالشكل ده 
_ حمد لله على سلامتك يا قلب امك،اهم حاجه انك كويسه وبخير
= انا بقيت كويسه لما شوفتكم، عشان خاطري ما تمشوش 
_ مش هنبعد تاني والله بس مش هينفع نقعد هنا 
" الباب خبط ودخل يونس " 
_ انا شايف انك بقيتي كويسه يا يارا !
= بقيت كويسه لما شوفتهم بجد، يونس 
_ نعم يا حبيبتي
= ممكن تخليهم ما يمشوش 
_ والله لو هما موافقين انا هقدر اعمل كده مفيش مشكله..
= طب يا سيدي اعتبر أنهم موافقين هيقعدوا فين
_ هو زي ما انتي عارفه فيه الشقه اللي جمب بابا وممكن يقعدوا مع تيتا
= مش الشقه اللي جمب عمي دي متأجره

_ مهو الساكن مشي من فتره يا يارا ،انتي متعرفيش ولا ايه 

= وانا هعرف منين كنت قاعده تحت انا وعارفه اللي بيدور 
_ انا قولت قعدتك مع ساره هي اللي طلعت لسانك انتي كنتي هاديه والله 

= والله؟! طب اتصرف يا يونس وشوف هتعمل ايه بقي لاني مش هخليهم يمشوا
_ " بص ليهم " انتو موافقين lلمچڼۏڼھ دي
= والله يبني اللي هي عايزاه، انا مش عايزاه ابعد عنها دقيقه تاني بعد كده 
_ يبقي اتفقنا هنزل اشوف الشقه محتاجه تنضيف ولا ايه وهظبط الدنيا متقلقوش..بعد اذنكم 
" قام اتحرك وخرج فضلت باصه علي طيفه..قد ايه انا محظوظه بوجود يونس عارفين احساس أن فيه حد في ضهرك مهما حصل هيبقي موجود..احساس حلو اوي" 

" شويه ودخل قال إن الشقه تحت جاهزه عشان يقعدوا فيها وأنه جاب ليهم هدوم يغيروا فيها لحد ما يجيبوا حاجتهم..اللي فهمته من ماما أن السبب اللي خلاها تعمل كده هو طليقها ما هو اصل هي اتطلقت من فتره بسبب أنه كان دايما بيمد أيده عليها وأنه هو اللي حكم عليها تعمل أنه مش فارق معاها غيابي ومتسألش عني..لانه قالها لو معملتش كده هيحرمها مني ومن رقيه ف قالت إنها تعمل اللي عملته ده بحيث انها تبعدني عنه لحد ما تقدر تتصرف..وفاتت سنين كتير وكان كل ما تيجي تهرب منه كان بيجيبها ويرجعها ويهين فيها..لحد ما قدرت تنطلق منه وتعمل فيه محضر عدم تعرض..وبالفعل ما بقاش يتعرض لها من تاني..