فتح عنيه

دى يارا منصور الزينى واخت فهد الزينى اكيد تعرفهم كويس وخطبتى فاهم ومش هسيب حقها 

يارا عند كلمه خطبتى مسمعتش باقى الكلام وفضلت سرحانه وكانها فى عالم تانى 

عمار مسك ايديها وقال للعميد انا هجيب حقها عشان كلب زى ده ېلمس شعره منها وبص ل رامى قول ل ابوك الرد هيوصله قريب لاقى رامى بيبصله بتكبر واستعلاء ولا همه حاجه 

عمار بصله بصه كلها ڼار وشاور بصبعه انت ھفعصك تحت رجلى واخد يارا وخرج من اوضه العميد ومن الكليه كلها 

عمار اركبى يا يارا 

يارا ركبت معاه عمار ممكن تقف فى اى حته اهدى شويه مش عوزه اروح دلوقتى مش هخلص من اسأله ماما وانا مش عوزه اتكلم 

عمار بصلها بحب حاضر بس صدقينى هجبلك حقك 

يارا بصتله انا واثقه فى ده 

عمار فرح جدا بكلمتها وانا واثقه فيه وقف بالعربيه ونزلت يارا تتمشى على البحر وكان الجو هداى لانهم كانو ف الشتا 

فضلت يارا باصه على البحر وساكته وعمار جه وقف جمبها حاطط ايه فى جيوبه وباصص هو كمان على البحر 

يارا عمار 

عمار رد عليها وهو باصص للبحر نعم يا يارا 

يارا بتبلع رقها بصعوبه وبتنطق انت ليه قلت انى خطبتك 

عمار بصلها دقيقه وبعدين بص على البحر تانى وبيتكلم بكل هدوء مش عارفه ليه 

يارا وهيا قلبها بيدق جامد لا مش عارفه 

عمار لا يا يارا انتى عارفه وكويس اوى كمان مش معقول اكون الحسيته الايام ال فاتت دى وهم 

يارا بصتله وساكته

عمار لف نفسه وبقا واقف فى وشها واخد نفس طويل يارا انا بحبك وبعشقك وبموت فيكى ومش قادر اعيش من غيرك انا بحبك من سنين كل ال كان منعنى عنك فرق السن ال بنا وخوفى اكون مش فى بالك وتكونى مرتبطه بحد من سنك كل يوم كنت بمۏت وانا مش عارف اوصلك كان نفسى اكلم فهد واقله انى بحبك خفت يزعل منى واخسره او انى اكلمك وانتى ترفضينى بس انا خلاص مش قادر 

يارا بصاله بكل حب طيب ايه الخلاك تتكلم دلوقتى 

عمار الاسبوعين ال فاتوا حسيت انك بتبدلينى نفس الشعور 

يارا ساكته وبصاله بس 

عمار بصلها وقال شكلى اتسرعت انا اسف وبيلف عشان يروح يستنها فى العربيه 

يارا ندت عليه عمار 

هو وقف مكانه 

يارا عمار انا بحبك ومجنونه بيك انا بحبك وانا طفله انت حب طفولتى ومرهقتى وشبابى عمرى ما شفت راجل غيرك من زمان نفسى اقولك انى بحبك بس خفت تكون شايفنى يارا الصغيره ال كنت بتجبلها شوكلاته اخت صحبك وبس عمار انت اجمل حلم انا حلمته واتمنيت انو يتحقق وانا عمرى ما فكرت فى فرق السن ما بنا لانه مش كبير اوى زى ما انت فاكر بالعكس فرق السن ده محسسنى بالامان معاك لانى هكون متاكده انك هتقدر تستوعبنى وتفهمنى وتكون ليا الاب والاخ قبل الحبيب والزوج هكون مطمنه وانا معاك على فكره انت احسن راجل انا شفته فى حياتى عينى مش شايفه راجل غيرك 

عمار واقف مش مصدق ال سمعه حاسس انو بيحلم ومره واحده لفلها وفضلوا بصين لبعض شويه وبعدين جرى عليها اخدها فى حضنه وفضل يلف بيها وهيا بتضحك 

عمار بحبك

بحبك بحبااااااااااااااااك

يارا وهيا طايره من السعاده وانا كمان بحبك اوى 

نزلها عمار ومسك وشها بين اديه انا مش مصدق نفسى انتى معايا وبتحبينى بجد 

يارا بتبتسم ويظهر غمزاتها ايوه معاك وبحبك 

عمار بصلها بعشق انا بعشق الغمزات دى بتجننى تعرفى كان نفسى فى ايه كل ما شوفك تضحكى والغمزات دى تبان

يارا كان نفسك فى ايه 

عمار ابوسها ووطى على خدها باسها 

يارا اتكسفت جدا عمار بطل قلت ادب 

عمار بيضحك من قلبه وبيغمزلها هو ده مفهومك عن قله الادب 

يارا اتكسفت خالص وضړبته على صدره عمار بلاش الكلام ده هزعل منك وخصمك 

عمار لا والنبى تخصمى مين هو انا اقدر على زعل الجميل ده انا مصدقت اوصلك بس بصراحه ببقى مبسوط وانا شايف الخدود دى زى الطماطم كده وهبقى اموت واكلها 

يارا بس بقا حرام عليك بتكسفنى 

عمار بصوت كله شجن يارا انا مقدرش اعيش من غيرك اموت 

يارا بعد الشړ عنك والله ولا انا مقدرش اعيش من غيرك 

عمار تعرفى كل ما كنت افكر انك ممكن تكونى لحد تانى غيرى هبقى اټجنن 

يارا عمرى ما هكون لحد غيرك لان بختصار انت الراجل الوحيد فى عنيا 

عمار مسك اديها وباسها ربنا يخليكى ليا وتبقى قريب جدا فى بيتى وفى حضنى 

انا هكلم فهد اول ما يرجع من السفر انا مش قادر على بعدك 

يارا طيب بتقولها وهيا مكسوفه

عمار مش مصدق نفسه من السعاده ال هو فيها تفتكرى يا حبيبتى فهد ممكن ميوفقش 

يارا ليه بتقول كده فهد طول عمره بيحبك وبيعتبرك اخوه وبابا كمان بيحبك جدا وبعدين انا موافقه واتحدى اى حد عشانك 

عمار مش مصدق نفسه انها بتقله كده وانها مستعده تقف قدام اى حد عشان تبقى معاه 

عمار ربنا ميحرمنيش منك يا قلبى ان شاء الله كل حاحه تبقى تمام يلا بينا لانك اتأخرتى 

يارا بابتسامه عذبه يلا بينا 

وركبوا العربيه وطول الطريق يبصوا البعض ومش مصدقين نفسهم انهم اعترفوا البعض بحبهم وصلوا عند الفيلا ويارا وهيا نزله عمار مسك ايدها وباسها خلى بالك من نفسك هكلمك بليل 

يارا حاضر وانت كمان خلى بالك من نفسك 

عمار حاضر يا قلبى

يارا سلام 

عمار سلام يا حبيبتى ومشى راجع على الشركه تانى ومش مصدق نفسه ان حلم عمره قرب يتحقق ويخلص اليوم على احلى حبيبين عمار ويارا 

ويبدا يوم جديد يعيش فيه عمار ويارا اجمل قصه حب سوا وبيتمنى فهد يرجع بسرعه عشان يكلمه فى الموضوع

وجه اليوم ال عمار هيختار فيه التصميم عشان لما يجى فهد يتنقشوا فيها 

عمار هدى المهندسين وصلوا اوضه الاجتماعات 

هدى ايوم يا فندم مستنين حضرتك 

دخل عمار اوضه الاجتماعات 

الكل وقف لما دخل

عمار اتفضلوا اقعدوا ياريت حضرتكم تكونوا خلصتوا التصميم 

الجميع ايوه يا فندم 

عمار تمام وبداء يشوف التصاميم كلها معجبوش غير تصميم حنين ونصميم حسام وكان تصميم حنين ال جذبه وشده اكتر كمان 

عمار فى تصميم مش على قد المستوى خالص افضل تصممين تصميم المهندسه حنين والمهندس حسام مع وجود بعد التعديلات البسيطه هنقشهم معاكوا ولما يرجع فهد من السفر هنختار بنهم تمام 

حنين وحسام تمام

حنين كانت فرحانه جدا ان التصميم عجبهم ومجهدها مرحش على الفاضى وانها هتحقق حلمها بانها تكون مهندسه شاطره 

وحسام فرحان عشان دايما القدر بيجمعه مع حنين 

عمار طيب الاجتماع انتهى الكل قام يمشى 

عمار مهندسه حنين مهندس حسام استنوا انتوا عشان نتناقش فى التعديلات وفضلوا يشتغلوا لحدما عمار خلص كل ملاحظاته ال دونها حسام وحنين على حسب تصميم كل